تارتولات بالنوتيلا و النستلي

[nadou93]

السلام عليكم

ان شاء الله الجميع بخير

الوصفة عبارة عن تارتولات بالنوتيلا و حليب النستله

[IMG][/IMG]

حلوى اكثر من رائعة و سهلة و تحمر الوجه جربوها و ردولي خخخخخ

نخليكم مع المقادير ( المقادير مش متوفرة عندي حاليا جبتلكم صور من النت باش نوضحلكم الفكرة ) :

نحتاج 3 بيضات ( 2 صفار + بيضة كاملة )

[IMG][/IMG]

250 غ مرغرين ( ضروري تكون بحرارة الغرفة )

[IMG][/IMG]

نص كاس ميزينة

[IMG][/IMG]

نص كاس سكر مسحوق

[IMG][/IMG]
فانيلا

نصف ملعقة صغيرة خميرة كيميائية

[IMG][/IMG]

فرينة

[IMG][/IMG]

الحشو :

حليب مكثف و محلى ( نستلي )

[IMG][/IMG]

نوتيلا او البيلا ( نفس الذوق و تقريبا نفس السعر لكن البيلا فيها كمية اكبر يعني اقتصادية على النوتيلا خخخ )

[IMG][/IMG]

[IMG][/IMG]

التزيين :

نحتاج شكولا انا استعملت امباسادور

[IMG][/IMG]


ملمع غذائي من النوع الخشن

[IMG][/IMG]

التحضير :


اولا نخلط المارغارين و صفار بيضتين + بيضة كاملة بواسطة الخلاط الكهربائي او بالفوي جيدا ثم نضيف السكر الرطب و الميزينة و الفاني و نخلط

ملييييييييح ثم نجمل بالفرينة مغربلة مليح مع الخميرة الكيميائية حتى نتحصل على عجينة ماتكون ناشفة ماتكون طرية و تلصق فاليد

نخليها ترتاح لمدة 10 دقائق ثم نشكلها في لي مول الخاصة بالميني تارتولات ( لازم يكونو صغار )

انا استعملت هاذو و انت لك حرية الاختيار

[IMG][/IMG]

نكونو مسخنين الفور مسبقا لازم يكون سخون . و ندخلهم يطيبو لمدة من 20 الى 25 دقيقة حسب الفور او الكويزينيار تاعك

بعد ما يطيبو خليهم يبردو ملييييح باش مايتكسروش

نبدا في الحشو . اولا النستلي تاعك اذا كان كراميليزي استعمليه طول . و اذا لا طيبيه في طنجرة الظغط لمدة 30 دقيقة

احشي التارتولات تاعك اولا مغرف صغيرة نوتيلا او البيلا ثم مغرف صغيرة نستلي و اخيرا زيني ب خطوط من الشوكولا

بعد ما تكوني ذوبتيها في حمام مائي

[IMG][/IMG]

ثم ديريها في لي بوش جوتابل متوفرين عند محلات بيع لوازم الحلويات

[IMG][/IMG]

اذا الحلولى صنعتيها لعرس او مناسبة رشي عليها القلييييييل من الملمع الغذائي الذهبي او الفضي حسب الرغبة

و هذا الشكل النهائي للحلوى

[IMG][/IMG]

و اخيرا نتمنى تكون عجبتكم و تجربوها

دعوة في ظهر الغيب تكفيني حبيباتي

سلاااام