العجينة السحرية للبيتزا من المجمد إلى الفرن رووووعة

[أم محمد علي]

الوصفة :
نصف لتر حليب سخووووووون يخرج الفوار منوا نضع 2 م ك زبدة طرية تذوب داخل الحليب
ونخليها حتى تذوب تماما ويدفى لحليب (يلزم يكون دافئ ماشي سحون وماشي بارد )
نضع م ك خميرة الخبز +1خمارة نوارة (الحلوى)+م ك سكر +ملح +م ك عصير الليمون ونخلط كل المكونات +الفرينة حتى تصبح عجينة طرية بزاااااااف وليست متماسكة نخليها تخمر حتى يتضاعف حجمها ,نخسرلها الخمورية ونخليها تخمر من جديد ,
عندما يتضاعف حجمها للمرة الثانية نحلها بالحلال ونخليها تخمر في الصينية المرشوشة بالفرينة 15دونضع فوقها الصلصة والزيتون المعدنوس ....(الموجود)
ندخلها للفرن من التحت ثم تنشف من الفوق ونخرجها ونضع الجبن المبشور وندخلها للدقيقة واحدة ونعاود نخرجها وزينيها بالمايوناز أو .....(الموجود)

بالنسبة للصلصة حقيقة بنينة ومميزة :حبة بصل (أقسميها على 4 )+كيلوا طماطم(أقسمي كل حبة على 2 ) +جبة جزر(قسميها قطع صغيرة ) +نصف حبة فلفل حلوا حمراء +2سنينات ثوم +ملح +م ص عكري +م ص حار مرحية أو الهريسة + الرند (ورق الغار )قسميه على 2 والفائدة يطلق بنتوا +رشة زعتر ( يعطي ذوق مميز في الصلصة الحمراء )+زعيترة فتتيها ما بين يديك حتى تعطي ذوق +الزيت وطيبيها على نار قليلة بدون إضافة الماء لأن البصل والطماطم يطلق الماء وعند نضجها أرحيها تتحصلي على صلصةخفيفة و بنينة وماشي قارصة بدون إضافة السكر لأن الجزر حلو .

ملاحظة :الفلفل الأسود لا يوضع في الصلصة الحمراء لأنه يغير طعم الصلصة كليا .
ملاحظة :الزيتون نضعه في زيت حتى الحبات تبقى تبرق ومتتكمش )
وضعت العجينة في المجمد وعندما احتاجتها خرجتها من المجمد وتلاحظي بعد مدة أنها عاودت خمرت حليها وطيبيها

لا داعي للإستعمال الخلاط الكهربائي بيدك فقط
أنظري الصور
والنتيجة روووووووووعة وبنينة بزاااااااااف ومقرمشة .

الوصفة السحرية للبيتزا خفيفة وبنينة

شوفي كيفاه تنطوى كيما تع البتزا تع برا وخفيفة بزاااااافرووووووووووووووووعة وخفيفة بزااااااف