تارت التفاح بالعجينة المورقة رهيبة

[انا هي رزيقة]

االسلام عليكم راني جبتلكم تارت التفاح المعتمدة لدي كنت حيطتها في كوزينة واش طيبتي اليوم و كي عجبت لبنات قلت نديرها موضوع كي تعم الفائدة اولا هذي صورة للتشويق

طبعا لازم تفاح و عجينة مورقة و معجون مشماش . هنا لازم نقولك كيتقطعي التفاح ما تخربشيهش خليه كيما قطعتيه .بعد متحلي عجينتك ديري شرائط بحوالي 15 سم او اكثر حسب ما تحبي و العرض على حسب عرض التفاح ثم ديري بلي من فوق من حوالي 1 سم ثم عاودي بلييه و لصقيه بشوي ماء بلا ما تضغطي بهذا الشكل


بعدها طلي كامل الشرائط تاعك بشوي معجون مشماش بهذا الشكل
ثم ستفي فوقهم التفاح بلا ما تخربشيه بهذا الشكل

هنا لازم تقولك بلي طريقتي انا تستهلك بزاف تفاح و هنا سر بنتها بصح الا ماعندكش بزاف تفاح حطي شرائح التفاح بشكل مائل بش متديلكش تفاح كثير كيتكملي حطي فوق التفاح قطع صغيرة مرغارين حوالي ثلاث قطع لكل شريط ثم زيدي ذرذري شوي سكر و حطي التارت تاعط في فور مسخن مسبقا على درجة حرارة من 180 الى 200 درجة لحوالي 40 دقيقة على الاقل (بصح كل وحدة تعرف الفرن تاعها اكثر منني ..خخخ) و مباشرة بعد خروجها من الفرن طلي التارت تاعك بجولي التفاح او معجون مشماش مذوب و استمتعي بالبنة بصح لازم تخليها تبرد ..خخخ ملاحظة اذا ما تحمرلكش من فوق شعلي الفور من فوق و عسي عليهم حتى يتحمرو .

و هنا كي درتها في مول دائري بصح نفس الطريقة

لتجربها و تعجبها دعوة خير تكفيني