السلام وعليكم ورحمة الله وبركاته
يسعدني كثيرا ان اشاركركن ولأول مرة بوصفة رائعة والتي تتمثل في بسكويت بزبدة الفول السوداني
المقادير
_ 125غ زبدة بحرارة الغرفة
110غ سكر بني أو سكر عادي
85غ زبدة الفول السوداني
200غ فرينة وممكن راح تحتاجي أكثرشوية
ملعقة صغيرة خميرة كيميائية
القليل من برش الليمون
فانيليا
نخلط الزبدة والسكر والفانيلا وبرش الليمون وزبدة الفول السوداني حتى نحصل على خليط كريمي ونضيفلها الفرينة بعد ما نكون خلطها مع الخميرة الكيميائية وتشغلي الفرن على 150 درجة وتفرشي الصينية تاع الفرن بورق الطبخ وتشكلي كويرات بالحجم لي حبيتي وتوضعيها على ورق الطبخ واطرحيها شوية بيدك ودخليها للفرن وكي تشوفي الجوانب بداو يحمارو شغلي الفرن من فوق وكي تخرجيهم من الفرن لازم تخليهم يبرد و تماما والا يتفتت وشهية طيبة
ملاحظة : تقدري تغلفي حبة بسكويت بملعقة كبيرة مثلجات وحطي فوقها حبة أخرى بسكويت وزيني بخطوط شوكولاتة و قدميها راح يكون الطعم وشكل التقديم راااااائع نتمنى تجربوها وتدعولي انا وعائلتي دعوة خير
نتمنى تجربوها وتعجبكم
إلى اللقاء في وصفات أخرى بإذن الله