طاجين البسباس بلوك جديد

[x ام رحاب x]

هاد الوصفة تاع البسباس كي عجبتني قلت انحطهالكم تستفادو منها
اولا المقادير الجاج و2 حبات بصل و200غ زيتون اخضر بدون نوات والتوابل ملح فلفل اكحل 2عواد قرفة ومغرفة صغيرة معمرة سكنجبير ومغرفة صغيرة كركم وبسباس وقطه على 2 وحبة وبيض و2 مغارف فرينة


اتحطي في طاجين الي راكي رايحة اطيبي فية الزيت والجاج واتخليهم يتقلاو شوية امبعد اتحطي البصل والملح والفلفل اكحل والسكنجبير والقرفة والكركم وتخليهم يتقلاو امبعد ترمي الزيتون بعد ماتعودي غليتيه مرتين واتحطي طبعا البسباس ديالك اتقسميه على 2 ل باه ايجي حاكم روحو ومرقي شوية ماتكثريش المرقة راكي عارفة البسباس ايطيب تم تم مايطولش والجاج تاني ايطيب تمتم والبسباس ماتخليهش ايحرر ومالازمش اتخليه يتحرر باه تقدري تعاودي تقليه وكي يطيب نحيه واخليه يبرد تماما في هاداك الوقت وجدي انت الخليط السري الي رايحة اديري فيه البسباس


الخليط وجدي حبة بيض كاملة و2 مغارف كبار فرينة وشوية حليب خلطي غير بشوية باه ماتجرالكش لازم تخليها ثقيلة وديريلها فلفل اكحل ملح وشوية كولوغو باه ايجيك اللون اصفر ولي ماعندهاش ديري شوية كركم وديري حبات البسباس ومرمديهم مليح في الخليط وقليهم مليح ختان اتشوفي اللون اصفر شباب ولاز تكوني قليتي البطاطا وماديريهاش في االمرقة راني على البسباس ديراكت للطبسي الي راكي رايحة اتحطي فيه وان شاء الله يعجبكم وانا درت الجاج تاني في هاد الخليط وحمرتو جا تاني بنين
المرقة الي طيبتي فيا الجاج ايلا قعدت جارية خثريها ديري مغرفة كبيرة فرينة وشوية ماء وديريها في المرقة تعقد وفي الاخير شبحي الطبسي ديالك بالبطاطا ساير داير والبسباس وفي الوسط زيتون وشوية لاصوص ومعدنوس مقطع من فوق وشهية طيبة



ان شاء الله تعجبكم راني زدت 2 صور