همزة الوصل بين المعلم و الولي " الطبعة الرابعة "

[~ حراير ~]

السلام عليكم و رحمة الله تعالى و بركاته

اخوتي الافاضل اساتذة و اولياء اشكركم جزيل الشكر على مشاعركم النبيلة و الحمدلله انه سخرنا لبعضنا نوقفو مع بعض
و كما قالت ام منى انا عاذرتها تماما المعلمة ربي يكون في عونها

استاذ صابر الحمدلله بناتي يحكولي رغم اني احيانا كثيرة نكون مستمعة غير جيدة لاني حب المختصر المفيد

لكن نصيحتي لكل ام "ديري اسرار" مع ابناءك و لو اسرار مش حقيقية و خاصة للامهات يلزم يحكو لابنائهم على مشاعرهم مش تحمليه حمول و لكن باش يتعود الصغير يحكيلك على مشاعره

ساعات نطولو مانروحوش لبيت بابا نقوللهم توحشت بابا و توحشت نهدر معاه و توحشت يعملي وووو فنلقاهم تلقائيا بداو هوما ثان يحكولي

يعني لحد الان الحمدلله و ربي يدومها عليا نعمة و يحفظها من الزوال لاني عارفة منين يكبرو راح يحبو يحتفظو باسرارهم لانفسهم

بالنسبة امس هدرت معاها شوية برك ماحبيتش نكثر عليها
لكن نسمع في اريج في الليل تحكيلها على معلمتها سابقا و كيفاش ماتخليلهاش الفرصة انها تحكم عليها غلطة

و الحمدلله راني راضية على افنان لحد الساعة مش في الدراسة و لكن نفسيتها كما قلت استاذ


بالنسبة للدروس قراو بالضبط كما درست فقط الاعداد الكبيرة اليوم يدرسوهم

و هنا انا نحير في افنان "يمكن تسرع" تنطق العدد صحيح لكن في الكتابة بالحروف تقريبا دائما تنسى اتكتب الالاف

بالنسبة للكتابة بالارقام نقوللها حطي نقاط بكل المراتب ثم الئي مكان النقط
و الحمدلله جابت نتيجة هاد الطريقة

يادرى استاذ حتى تلاميذك يصرالهم هك

بالنسبة للوضعية حلتها افنان جاتها سهلة

نضن التسلسل تاع معطيات ثم سؤال يسهل على التلاميذ

لانه الوضعيات الي درستهم في هاد الاسبوع جاوها صعاب واحدة فقط الي صحيحة و الباقي حلتهم غالطين حتان شرحتهملها في المنزل
باش فهمتهم
في الحق راني نعاني معاها لحد الان في الوضعيات سواء لغة او رياضيات و ان شاء الله راح نداومو حتان نلقاو النتيجة


استاذ صابر لما شافو لبنات معلقات المحفوظات حبو حتى هوما يورولكم كراريسهم ان شاء الله نسكانيهم و حطلك و هزو افكار بزاف من رسومات و طريقة كتابة المحفوظات

بارك الله فيك استاذ