حلويات أم عبد الله السلفية لعيد الأضحى

[أم عبد الله السلفية]

السلام عليكم
هذه حلوياتي لعيد الأضحى المبارك في بيت أهلي لأني قضيت العيد هناك

أتمنى أن تنال إعجابكم




أولا نبدأ بصابلي رويال للغالية أم أماني جزاها الله الجنة

و هذي قنيدلات عاونتني فيها أمي شوي بارك الله فيها علاخاطر تشد اليد ياسر و هاذيك الحبة الوحيدة راهي المظفورة جربت منها حبة وحدة كنموذج

و هذا حلوى الكورني الأنيقة لأختي العزيزة زينب 83 درتلها حشو بالمكسرات و نيسلي كاراميليزي خرجت بنتها تقتل

و هذي أيضا قريوش زينوبة ماعدش نقدر نستغنى عليها في الأعياد بنتها لا تقوم خفيفة و لذيذة ممممممممم




و هذا صابلي البيضة لأم أماني فضلولي حوايج القاطو ياخي حضرتو و كان ما عنديش ملون برتقالي درتو أبيض

و هاذي بقلاوة لعرايس العائلة حبت البقلاوة لازم ندير بقلاوة

و هاذي صورة لمائدتنا يوم العيد في بيت أهلي

و هذا قاطو الجلجلانية








و هذا صابلي بالشكلاطة درتو على زوز أشكال









و هذا قاطو صبيعات باللوز شفتو في قناة سميرة للشاف صليحة بسكري الله أعلم اذا جبت اسمها صحيح و سمعتو في الاذاعة قاطو يصلح للأعراس . في بلاصت سوريز درت حلقوم فرومبواز











و هاذ الديكور تقدرو ديروه للمخبز أو الصابلي أو واش تحبو انتوما أنا عطيتكم فكرة و انتم ديرو العجينة الي تساعدكم

هاذا الأزرق قاطو الكادو و الآخر يقوقولو حريم السلطان راه خارج يطلبو فيه للأعلااس















مازال قاطو البابيون



دعواتكم لي بالذرية الصالحة

أي استفسار أنا حاضرة للاجابة و شكرا للجميع