الي حابة تشوف الجينواز الي اعتمدتها أمـــنية...تتفضل مرحبا

[أمنية غفران]

السلام عليكم و رحمة الله تعالى و بركاته

اليوم راني رايحة نقدم ليكم الجينواز الـــــي نحاتلي عقدة الجينواز ههههه و قيلة ما فهمتو والو
...................
صراحة بعد عدة تجارب لي مع الجينوازات الي ما كانتش حسب تطلعاتي يعني ما كنتش راضية عليها حتى القيت المعادلة الرياضية و كان مدها لي سلفي الي هو أخ زوجي عندو محل صنع و بيع حلويات

المعادلة هي

في كل حبة بيض لازم لك 30 غرام فرينة و مثلها سكر

امالا ادا كانو اربع حبات بيض لازم لي نحسب 30 غرام 4X تساوي 120 غرام فرينة و مثلها سكر

جربتها و فرحت بيها بزاف شوية تعب في البداية الي ما عندهاش بيترا كي حالتي بصح معليش

الطريقة و لا أسهل و لا أروع

نحط في باتور اربع بيضات مع 120 غرام السكر و ساشية فاني و قرصة ملح و نخلط مليح حتى تحسي يدك مع ذراعك وجعتك ههههه حوالي ربع ساعة تقريبا حتى نحصل على خليط قريب للأبيض

هنايا تستغناي عن البترا و لا الباتور ومن بعد نضيف الفرينة مخلطة مع ساشية خميرة كيميائية و نخلط بمغيرفة نتاع لوح غير بالعقل حتى نحصل خليط متجانس و نحطه في مول مدهون بالزيت و مرشوش بالفرينة او تغلفيه بورق الطبخ ادا متوفر عندك
تخبز من عشرين حتى 25 دقيقة حسب الفرن الي عندك
.................
ومن بعد يبقى ليك غي ديكوريها كيما تحبي
انا في تورتة هادي بين طبقات الجينواز درت كريمة الزبدة بعد ما سقيتها بمربى الفراولة مخفف بالماء ما كانش متوفر عندي العسل و شوية فاكية من موز و عنب و اجاص و فراولة و اكيد كرام شونتيي لونته بلون زهري قريب للأحمر

و هاوليكم تورتي الجميلة قولو ما شــاء الله





الصور التوضيحية لمراحل العمل


















اخوتي... أخواتي الاعضاء و الزائريين دعاء في ظهر الغيب ربي يهنيكم و يحفظكم من كل سوء

في أمان الله