خليفة يجيب على جميع أسئلتكم فيما يخّص السيراميك

[khelifa_siramica]

المشاركة الأصلية كتبت بواسطة ام سارة 285

اسمحلي اخي رايحة نتعبك شوية حبيت نسقسيك على الدال دو صول ماتزلقش matte راني شفتها تتباع بالوان كامل و هي تجي تبع الفايونس هل تصلح نديروها في الكوزينة و اذا شايفها قولي السعر تاعها و قوللي اذا تعرف في عين ولمان اللي يبيعو دال دو صول مليحة ورخيصة على خاطر اخت زوجي تسكن فم و راجلها يعرف شوية اللي يبيعو .... رحنا شفنا عند واحد في الخرجة تاع عين ولمان كي تكون رايح لصالح باي و لقيت الدال دو صول كامل تزلق و دير 75 الف وعجبتني وحدة جاية متخالفة حبة بحبة وفي النص تجي وردة الوردة تدير 9 الاف هل تصلح للهول مع العلم انو كبير 54 متر مربع

مرحبا بك اختي . الدالدوسول matte اغلبيته اسباني . mette توجد بكثرة في البورسلين . اذا كان دالدوسول سعره من 1300دج وطلع اما البورسلين 1600 دج.. اما عن وضعها في الكوزينة ترجع لتناسق الالوان فقط وتصلح في كل مكان.
اما الي يبيعو في عين ولمان . ماشي بزاف كاين عند بن شكر وبوجليدة . ما دام السيد من عين ولمان اكيد راه يعرفهم
مكان محلاتهم طريق بئر حدادة في شارع ( لمعامشا) ويوجد كذالك عند عربة بالقرب جامع قروي
وهاذي الي حبة بحبة ماقلتيش واش لونها ومادمت الطاكو الي سمتيه انت وردة سعرها 9 الاف اكيد هي محلية وممكن تكون تزلق كذالك .
الدالدوسول باشكالها وانواعها محلية ومستوردة راهي في لحشامة والهضاب . وخاصة المستوردة اسباني عند الاخوة عاشوري . وباسعار معقولة تجدي حتى ب 1300 دج
وشكرا