ياغورت منزلي لصليحة بسكري جربته ورررروعة

[حياة نور الدين]

السلام عليبكم
البوم جبتلكم ياغورت منزلي للسيدة صليحة بسكري رووووعة في الدوق وزاااااااكي 500غ لحظة تخرجلك 5 كغ ياغورت
المقادير
500غ حليب بودرة
2 علب ياغورت طبيعي
3 علب ياغورت ذوق اللي تحبوه
3 لتر ماء
20 ملعقة سكر كبيرة سكر
التحضير
في البداية انزعي لتر ماء وحطيه في كسرونة يسخن حتى يبدا يغلي طفي النار
في نفس الوقت خلطي الحليب بودرة والسكر والياغورت و 2 لتر ماء بارد حيدا حتى تختي الحبيبات
بعد مت تطفي النار على لتر ماء ديريه على الخليط وحركي
بعدها فرغيه في بلارات او علب محكمة الغلق وخليه يرووب
ادا كان الصيف اتركبه يوم كامل وادا البرد يومان وبعد ما يروب دخلوه الثلاجة يرد





ملاحظة انا استعملت نصف الكمية يعني
250 غ حليب بودرة و علبة ياغورت طبيعي وعلبتين ياغورت منكه و لتر ونصف ماء يعني 750 ملل باردة والاخرى ساخن و عشر ملاعق سكر
دارلي كمية لاباس بها وحضرت بها سلطة الفواكه جات روووعة
صدقوني جربوه ومتندموش