انا امراه شابه من صغري وانا عندي ضعف في الشخصيه ونحشم بزاف ونيه بزياده علابيها الناس تستغلني وانا نسكت وماندافعش على حقي الريح الي جا يديني مرات نكون غبيه في بعض المواقف دايمن سامحه في حوايجي كل ما اتجادل مع شخص ويظلمني نحلف ما نعاود نهدر معاه ومنبعد يشفنتي .كل مانروح نشري حاجه نروح كي الطلابه اي سعر نقبل بيه بلا مناقشه حتى ولو كان شيء تافه .اخوتي دايمن يحقروني مع اني متزوجه .علابيها عجوزتي تستغلني وتجي عندي بزاف (يعني سامطه) وانا نقابلها بوجه بشوش وكي تجيني نسيف على راجلي يجيب دي ويجيب ديك حتى لو كان مايكونش عنده وهي يعجبها الحال وتجيني علابال كرشها ومره جاتني ومالقاتش غدى مليح كلاته مشنفه .سلفتي تسكن قريب مني عجوزتي ما تجيهاش لخاطرش ماتقومش بيها كيما انا يعني متهنيا منها وعجوزتي تخاف منها ........كرهت روحي دايمن مستغله كيفاه نبدل شخصيتي علابالي راح تقولولي قابلي السيئه بالحسنه ولكن الى متى
كي يجيني كاش ضيف نحشم تقول انا الضيفه يتلفلي كلش .منعرفش نحكي وايلا حكيت نخلط الهدرى..مرات قاع مانهدرش ومرات كي نهدر قاع منحبسش.حبيت منكم تعاونوني باش نكون شخصيه قويه بليز