همزة الوصل بين المعلم و الولي " الطبعة الرابعة "

[لميس اميرة]

صباح الخير اختي حراير واش احوالك ان شاء الله تكوني بخير

و ربي يقدرك و نتي في حالتك هاذي زاداتك مسؤولية وليتي منك راجل منك مرا ربي يعطيك القوة و يفتحلك البيبان و يسخرك نفوس مومنة و يحرسك بعينه التي لا تنام

بخصوص ليسطوما دوت كوم و زوالي ديزاد ما كان حتى سر زعما زعما غيرة ما حبش يسجلني باسم مراة ولا اسم النواعم حب اسمي تاع عجايز

و بخصوص الفرنسية راني كيما قلتلك من قبل نراجع فالهمزة و في نفس الوقت كل ما نلقى كلمة في درس او في مشاركة اخوات ندير عليها بحث

درت صفحة فيها الكتابة سكريبت و كيرسيف ما جيسكيل و ميني سكيل و طبعهالي زوجي و بديت مرة على مرة نوريلها حرف سكريبت و نزيد كورسيف

السكريبت جاوها ساهلين لكن الكورسيف ديما تتخلط فيهم و تقولي ما نعرفش الحرف حتى ولو وريتهولها من قبل

و الكتب مازال ما شريناش ممكن حتى الاسبوع القادم باه نكملو الكتب و باقي الادوات ان شاء الله

و حبيت نطلب من الاخوة و الاخوات التوزيع السنوي للعربية و الفرنسية

حوست في قسم الابتدائي ما لقيت والو واحد تاع سنة ثانية قديم 2011 و تاع السنة الثالثة 2008_2009 تاع الفرنسية
و 2012 _ 2013 عربية
و نظن البرنامج تبدل و كاين دروس تحذفت و دروس ظافوها حسب ما كنت نقرا مشاركات

يا ريت لي عندو نتاع 2014 _ 2015 اوحتى نتاع العام هذا يحطولنا نستفادو منو و بارك الله فيكم