***معجون التين(الكرموس)***

[ام حمزة22]

السلام عليكم ورحمة الله تعالى وبركاته
ان شاء الله نكونوا كااااااامل بالف خير

اليوم جبتلكم معجون التين انا نموت عليه ودايما بعد الفطور نبنج بيه

بعد ما نغسل التين ننزعلو القطمير او الراس ونقسم الحبة على 4 نضيف عليها نصف الكمية نتاع السكر اي الا درنا كيلو تين ندير نصف كيلو سكر
نضيف الفانيلا ونصف حبة عصير ليمون ولي حبت الصوص تكون شوية بزيادة ضيف ربع كاس ماء هدا اختياري
نحط الخليط فالثلاجة لمدة ليلة كاملة وقبل ما نرقد نخلط الخليط 2 مرات او 3
فالصباح يكون داب السكر نحط الخليط في قدر على نار قليلة لمدة نصف ساعة وقبل ما نطفي النار نتاكد من النضج بوضع قطرات من المعجون في صحن ونشوف الا راه جامد وا سالش بسرعة هنا راه نضج
اخواتي انا درت كمية صغيرة نتاع التين ولي حابة دير كمية كبيرة وتحب تخبيه لمدة طويلة نعطيكم هاد لاستوس وهي نغلي البلارة نتاع زجاج ونخليها تنشف بدون مسحها و بعد ما تنشف نحط المعجون داخلها وهو سخون ونغلق البلارة ونقلبها حتى تبرد مليح راح يشدلك هاد المعجون لمدة عام او اكثر










تحياتي للجميع