البنسة

[الخروبية]

السلام عليكم

وشراكم لبنات حبا نحكى اليوم معاكم على البنسة معلبليش لكان سبقونى الاخوات ليه معليهش فى الاعادة افادة
تعريف البنسة البنسة هى عفسة تبهى لخياطة واى حاجا فيها تالبنسة تجى متحوفة البنسة تحدد معالم الجسم
وتتكون من 4 اقسام القاعدة الاضلاع والراس وكاين البنسة العادية والبنسة المزدوجة البنسة العادية تجى يااما منفوق يااما من تحت
متلا تجى فى لجيب او سروال او من الاعلى فى جاكيت فساتين الحوامل غيرها اما النسة المزدوجة تكون فى لطاى تاع لغوب

كيماراه موضح فى الصورةالقاعدة والاضلاع وراس
وبنسة الامام ماشى كيما بنسة الخلف بنيسة الامام فيها 2سم وتاع الخلف هيها 3سم

اماطول البنسة يختلف كل مايكون الجسم قصير تكون البنسة اقصر
شوفو بنسة الضهر ومختلف القياسات حتى فى الامام تختلف

وسمحولى الصوة تاع الامام محبش الميكرو ينسطليها بصح اكيد رايحين تفهمونى الامام نقصى على الخلف
متلا فى بلاست14حطى 12ومن تحت16 حطى13
والعمود الى فى الوسط13 حطى 11منتحت 12
العمود الاخير10 من تحت 11
نتمنى تكونو فهمتونى
وكاين البنسة العمودية تجى من الكتف حتى الصدر
ردى بالك لازم تحسبى حساب البنسة كى ترسمى البترون زيدى ححقها البنسة راهى تتحط فى مكان المقضى عليه يعنى لكان مدرتيش حسابك
تجى الحاجة قل من مقاسها الاصلى نتمنى تستفيدو من موضوعى ويعجبكم تحية من الخروبية للجميع سلام ياكرام