~~~استفسار عن الدروس الخصوصية في ولاية باتنة~~~

[اشراقات الغد]

السلام عليكم


انا بصراااحة انصحك ان تسجلي في الرياضيات عند الاستاذ بركاات صح هو يزرب شوي بصح قمممة ما شاء الله .. الاولى نتاع تانويتنا كانت تدير عندو وبزاااف للي يديرو عندو ومكانش للي جاب قل من 18 انا شخصيا جبت 18 في الرياضيات والحمد لله تقريبا كل التمارين المقترحة اللي يديرهالنا تجي في الباك عندو نظرة ثاقبة ما شاء الله ربي يحفظو استااذ في القمة واذا حبيتي جيبي تمارينو على الاقل من صديقاتك وحليهم راهم رووعة


اما الفيزياء لقرع صح مليح تمارينو رووعة بصح الشرح لا ادري انا شخصيا درت عند يخلف وعند دغدغ ربي يحفظهم الاستاذ دغدغ كان يديرلنا دروس خصوصية مجانا ربي يجعلهالو في ميزان حسناتو ويوفقو كنت كلما ما فهمتش تمرين يجاوبني عليه بصدر رحب وكان يركز على الدروس وتمارين البكالوريا السابقة


اما العلوم كاين الاستاذ بهلول يركز على التمارين اما حيدوسي يركز على الدرس ويجاوب على كل الانشطة نتاع الدرس رغم انو شوي عاطل في الدروس بصح ما شاء الله زلغي تاني نسمع بللي روووعة والله اعلم...


الفرنسية كاين الاستاذ رحمين بصح يشرح للينيفوهم هاابط بزاف كيما انا ههههه بصح كنت نفهم عليه ما شاء الله


الانجليزية تاني



العربية كاين الاستاذ حبطة وقارش ما شاء الله بصح مدرتش انا شخصيا فيهم ليكور لانك المواد الادبية تقدري تعتمدي على استاذ القسم والحوليات


الفلسفة كاين حيدوسي ولا اروع استاذ في القمة حاولي تجيبي مقالاتو راهي منتشرة تقدري حتى تجيبي في الفلسفة 16 او 17 ومتاكدة من ذلك بلاما ديري ليكور اذا حبيتي المهم اعرفي المنهجية وشوفي مقالاتو وعاوديها باسلوبك الخاص وكاينة تاني استاذة نسيت اسمها هي تاني مليحة



بالنسبة للجمعيات:

بركات ويخلف في جمعية النصر بوعقال3 امام مسجد علي بن ابي طالب
حيدوسي كذلك

بهلول جمعية البليغ مقابلة مؤسسة لانام وجمعية الحكمة امام ثانوية محمد الصديق

رحمين كذلك

اتمنى ان لا تنسوني بدعوة في ظهر القلب تكفيني
المهم اتمنى ان اكون قد افدتك وشكراااا