╣☼╠★★ للطلبة الجدد في كلية الطب اي استفسار عن الطب او طب الاسنان هنا نجيبك ★★╣☼╠‏

[(~ ..أســـامة .. ~ )]

المشاركة الأصلية كتبت بواسطة حيآتي أسمَى

ســلام
اخي اسامــة مادابيك او كان تهدرلي على السنة الثانية ادا مازالك عاقل لول

علا واش نركز وكيفاش دايرة الدعوة ــ باسكو قالولي شارجي بزاف وصعيبة

؟؟

و عليكم السلام


نورمالمو راك في كلية سيدي بلعباس ........... نفس الكلية التي ادرس بها


المهم السنة الثانية شارجي صح بزااف لكنها ليست صعبة بالعكس سهلة ............. تجي صعبة للناس لي متقراش ا جوووور


oc تقريك دكتور حطااب تموت على الحفظة ههههههههههههه كما الدروس تاوعها بالفاصلة و النقطة ههههههه المهم لازم تأكدي غلى نقطة الاعمال التطبيقية هي كل شيئ معامل 2 و دكتور حطاب الوحيدة لي متحشمش تافيشلك 2 نورمالههههههههههههههه

هي دير استجوبات فجائية كلاسبوع و تكون نقطة td لازم تكوني دائما محضرة نفسك و بالنسبة للامتحانات تعاود نورمال تاع السنوات الماضية


prothese كل مرة يبدلوا استاذ دروس كثيفة لكن سهلة لازم برك تحضري محاضرات و الاعمال التطبيقية روعة ما نحسيش بالوقت تكون بالمخبر


anatomie generale دكتور سعيدي يقريكم ...... لاباس به لازم تتعلمي من عنده تقروا على جهاز الهضمي و جهاز التنفسي و عظام الوجه و الفكين ..الخ

anatomie dentaire كاين دروس كل سن بالتفصيل الممل ........... و الاعمال التطبيقية تصنعون الاسنان بالصابون هههههههههههههه تولي تكرهي ريحة الصابون



parasito و bacterio حفظة و تقدري يجيبي فيهم نقاط عالية


immino و physio مواد فصلية كي يكمل واحد يدخل لاخوور يقاريكم واحد الصامت كي تحضر كي متحضرش كيف كيف يقرالك الكور و صايي هههههههه على ربي اقريها انت و زهرك ههه و درك تفهميني




patho medecale سي عبد العزيز دكتور مخضرم و عنده في راس و خبرة كبيرة بصخ شوية صارم في الامتحانات انت لازم تحضري الدروس تاوعه لاخطرش يعاون ليحضرواا قاااع و الباقي على ربي


odf شارجي شوية بصح ساهلة نقدري تجيبي نقطة مليحة تقروال على مراحل تكون الاسنان و الفكين و عظام الوجه منذ المرحلة الجنين حتى الطفولة و لازم تركزي ملييييح و الله تحتاجيهم بزااااااااااااااف في السنوات المقبلة بزااااااااااااااف


parodontologie تقراو على اللثة و كل شيئ عن الانسجة المحيطة بالسن ماهذا السن ساهلة

francais و anglais باينة بعد النصوص عن طب الاسنان ...


biomateriaux تقروا على les materiaux لي تستعملهم في طب الاسنان elastique .... resine .... la cire .....extr باسلة شوية بصح الاسئلة تكون سهلة



هذا ما اذكر هههههههههههههههه اذا نسيت كاش حاجة نقولك


اي استفسار نحن في الخدمة دائما

بالتوفيق