للنقاش

[ahmedtlm]

السلام عليكم و صحا رمضانكم
أنا راني جديد في هذا المنتدى وراه عجبني بزااااااااف كل شيء فيه منظم ما شاء الله منتدى رائع..........
المهم أنا م اللي يحبو التسوق من النت و لدي تجارب قليلة حول الموضوع و راني قريت العديد من المواضيع و التجارب الشخصية التي وضعها الاخوة و لاحظت أن أكثر شيء اللي راه يقلق الأعضاء و اللي تلقاه تقريبا في كل موضوووووووع الله يبارك هو مشكل الجمارك الجزائرية واحد تلقاه سرقولو السلعة و الثاني فرضو عليه رسوم خيالية حتى كرهوه و سمح في سلعتو وكاين اللي عيا يسنا مسكين في سلعته وما وصلتش كامل.....والأمثلة كثيرة والله عيب و عار الناس تتقدم و حنا يردونا للوراء بلاد ميكي هدي مكانش الصرامة
المهم لازم نلقاو حل لهذا المشكل ولازم الدولة توضح قرارات صارمة و اللي عندو اقتراح يقدمهولنا للنقاش فيه
أنا راني خممت مليح و طاحت عليا فكرا لوكان نديرو حملة واسعة على مواقع التواصل الاجتماعي لجمع عشرة آلاف توقيع أو أكثر باش نضغطو على الدولة لكي توضع قوانين صارمة لانهاء مشكل الجمارك ولضمان حقوق المشتري في وصول سلعته لأنه حسب علمي لا يوجد لدينا قانون يتعلق بالتسوق من النت وينظم سير هذه الأمور.
وهاذي مجرد فكرة و اللي عنده فكرة أحسن يشرفنا بيها