•« متحصل (ة) على الباكالوريا؟,,, طالب (ة) جامعي (ة) جديد(ة) ؟,,,, عرجوا من هنا للاستفادة من خبرة من سبقوكم »•

[سطايفية بكل فخر]

المشاركة الأصلية كتبت بواسطة ماجد93

شكرا لك سطايفية على النصائح و التوجيهات هاذي
عندكي افكار الله يبارك

رأي الوالد : نكمل ماستر في البرج و ندير حقوق في سطيف ; ; و نشوف كيفاه اذا كان البروقرام شارجي ندير حل نبلوكي ..الخ

للعلم نحب تخصص حقوق و حاب نخرج قاضي ههههه.... الله غالب كلها احلام و طموحات و اماني ")

الباقي يقلي اذا طارتلك المدرسة العليا متراطيهاش خاصة التعليم الثانوي (انجليزية-اجتماعيات-ادب)
فيه شك يهبط معدل القبول لانها مدرسة جديدة و نسجيل جهوي 3 ولايات بجاية جيجل سطيف
إذا فتحت في العلمة الموسم هذا راني بعيد عليها ب5 دقائق مشي فقط هههه
+
هاذو الشعب المسموحة لي نخير منهم 10 راني نحيت تخصصات الفنون التخصص الوحيد لي منقدرش نقراه الله غالب ههه
الباقي كامل مستعد ندرسو : و نلقى راسي فيه ان شاء الله °





+sport في قسنطينة تسخف ههههه
علم الاثار في الجزائر تبانلي مليحة بصح بعيدة المنال
درك لازم نرتب 10 خيارات بطريقة مدروسة ؟
مزالو ايامات و ربي يجيب الخير ان شاء الله
و شكرا

اهلا بيك مجددا جاري
نقسملك بربي غيردوخني عقبت باك لاتر وقلنا معليش مي تقرا انفورماتيك وحاب تولي قاضي هذي جديدة يابن عمي كيفاش راك مركب فهم روحك ياعلمي يادبي :d شعب 19فريمون مريض صح واحد ميفهمنا والمشكل حنا مناش فاهمين رواحنا
شوف رايي المدرسة متراطيهاش والماستر متراطيهش
روح حط الدوسي تاع الماستر في سطيف راهم يحكمو الان قبل ما يخلاص الديلي وحط ثاني في قسنطينة
لانها الاقرب لولايتنا باش يجيك الحال قريب
واذا طارتلك المدرسة تاع العلمة درت لافار سطيف بينها وبين العلمة 20 د للجامعة البرج 40 قسنطينة ساعة يعني في ل الحالات رايح دير لافار
وراني سقسيتلك وقلتلي الاخت مريم بلي المدرسة عندهم قانون لبلوكاج يعني العام الاول ابلوكي ماستر واقرا مدرسة والثاني خمم تبلوكي المدرسة لانو لازم تحل الماستر والا يروحلك العام ويعتابروك معاود وكيما علابالك ماستر عدنا الحق نعاودو عام طكون تزيد تعاود ميمدولكش الديبلوم
بعدها العام الثالث حل المدرسة واقراهم في زوج لانو عام الماستر الثاني ساهل تقرا غير سماستر وميموار
وهكا تتفرغ للباقيين من السنوات
هذا الراي لي راني نشوف فيه مناسب وربي يوفقك ويكتبهالك ان شاء الله
بالنسبة للسبور هي تسخف مقلنا والو خليها حل بديل اذا مطارتلكش المدرسة دير فيها كابتن ماجد ياخي تشفا عليه :d
اما الحقوق والله واش نقلك ديرها حل بديل مي انت علابالك بلي مهيش مليحة في بلادنا لازملك باش تولي قاضي
لكن اذا كنت حابها الراي يرجع ليك اخي والجامعة اي نورمال سجل وابلوكي مكانش اشكال فيها وززيد معدلك مليح خمم في اللغات راهم احسن من الحقوق وربي يسهلك ان شاء الله
+
ههه علاش واش بيها فنون حنا شعب زهواني تقدر تقراهم امزح فقط
شوف اخي مبدئيا رايي تحط المدارس العليا اولا ابدا بالثانوي ثم المتوسط وخلي الابتدائي هو الاخير
ومن بعد حط موراهم السبور والحقوق كحل بديل
علوم انسانسية واجتماعية واللغات احسن من الحقوق ودبر راسك اخي
صلي صلاة الاستخارة وخمم مليح
ربي يوفق واي مساعدة او مناقشة تحتاجها جارتك هنا رانا ولاد كارطي واحد 19