~|[ « النظر هو الحياة.... كل ما يتعلق بالعين,النظارات, العدسات اللاصقة, الزجاج ستجد له اجابة هنا ان شاء الله» ]|~

[سطايفية بكل فخر]

المشاركة الأصلية كتبت بواسطة mouhafx

ايه بالاك على جال استجماتيزم
ااخر مرة درت نظارات اونتي روفلي مي ماخرجوش علي رجعت للنظارات القدم تاوعي زجاج بيض
كنت داير ليلونتي توريك و حبستهم
اخر مرة زرت الطبيب اسبوعين
مند الصغر و شكيت نقص شوية

السلام عليكم
مكانش منها هذي تاع لونتي روفلي ميخرجش عليك لانو هو الانسب لحالتك خاصة وانت تسوق او تقرا او تستعمل الميكرو
مخرجوش عليك كاين ثلاث احتمالات
اما تبدلتلك الكوراكسيون وموالفتهمش لذلك لازم عليك توالفهم لمدة ديرهم كي تكون تتفرج ولا دور في الدار ولا قاعد تقرا كي تكون تتحرك نحيهم لانو زجاج سيلاندريك ياثر شوية في الروية ويدوخ
الاحتمال الثاني اذا كنت دوخ منهم وتحس عينيك يجعو هنا ربما لوبتيسيان قادر يكون ديزاكسالك لاكس وممدلكش واش كاين في الورقة او عطاك رابروشون ومدارلكش الكوراكسيون كاملة في هذي الحالة ننصحك روح لقداش من اوبتيسيان وقلهم يفيريفيولك لكوراكسيون تاعك وشوف راهي تتناسب مع الوصفة او لا قتلك روح لعدة لانو كاينين لي مهداهمش ربي وميقولوش الصح او يحبو يربحو الدراهم ويقوللك غلطلك
مام هو ولي ليه وشوف كلامو وكلامهم
الاقتراح الثالث الطبيب مدلك كوراكسيون مناسباتكش او غلطلك في لاكس وهنا لازم تعاود ترع ليه
انت جرب بالاقتراح وشوف
+
وعلاش حبست التوريك محملتهمش وهل السفيريك حملتهم
+
اخي شوف باش نكون واضحة معاك لاستيجماتيزم واعر ومع انت ميوبيك راك تستهزا في روحك يوليلك كيراطوكون تولي لاكورني تاعك مخروطة الشكل وهنا يتازم الوضع
وحنا باش منوصلوش لهدي الحالة لازمك حطي ديما تحط لاكوراكسيون تاعك ومتنحيهاش خلاص
شوف اخي ادا مكانوش مجينيينك ليلونتي دوريك ديرهم يهنيوك من النظارات واذا العكس ابقى تستعمل في النظارات تاعك لكن ديرلهم لونتي روفلي لانه الانسب لك واذا كانت تجيني الشمس ديرهم transition فيهم تراتمون تاع شمس يكحالو او يوليو بني في الشمس ويبياضو ويبان فيهم لونتي روفلي في الدار
حقيقة هوما هايلين
كاين حل ثالث اخي
هو دير لونتي سفيريك سامبل تعالج بيهم لميوبي تاعك
يعني لي لونتي تكومونديهم خاصين ب
-7 و -5,75 مهمش هاذو لانهم يتحسبو بطريقة اخرى وينقصو واذا حبيت نحسبهملك مش مشكل
ودير معاهم نظارات توريك
سيلاندر تاعم -2 والسفار 0 تقولي لاه نقلك هكا يوليلك الزجاجات رقاق وخفاف وميوجعوكش في الانف ولا توال الاذنين لانو الزجاج تاعك شوية خشين واومام طون ليلونتي يكريجيو لميوبي احسن من الزجاج على عكس ليبارميتروب لي يتادابتا بالزجاج احسم من ليلونتي
نقطة اخرى نبينهالك بلاك كاش ما اوبتييان يقلك نكوفارتيليك زجاجك كيما راه الى لونتي سامبل سفيريك ومديرش خلاص النظارات ومديرش ليلونتي طوريك
هنا راهو رايح يندبلك ويخلي لاستيغماتيزم يزيد
ولاي واحد قالو لوبتيسيان هكا خاصة لي عندهم استيغماتيزم اكبر من 0,75 قولو قالتك السطايفية روح عاود قرايتك وبركا معميت الناس
+
بالنسبة للاقتراحات كي تجربهم وتلقا المشكل في النظارات الجدد قلي اخي
وفيما يخص لزيك واي حاجة تعالج مشكلتك رايحة نسقسيلك بيان ناس الاختصاص من اطباء العيون ونجاوب اخي
لاهنم ادرى مني بذلك
انا مهمتي تنتهي في الكوراكسيون
احتراماتي