حتى وما تبغيش اللوبيا الخضرا رايحة تعجبك بهذي الطريقة،،أرواحي

[*نآدرة~]

السلام عليكم ورحمة الله تعالى وبركاته

صح فطوركم،،جبتلكم مقبلة ساهلة ماهلة

انا ما نبغيش اللوبيا الخضرا بالصح بهاذ الطريقة وليت نبغيها وتجيني بنينة تهبل

شوفوا نحتاجو لكمية من الليوبيا الخضرا نغلها ونقطعها،،2 حبات بصل سنينات ثوم وكثرو قدما كثرتو مليح جدتي تقول اللوبيا دواها الثومة والطماطم الخضرا،،،كمية من اللحم مقطع قطع صغير،،حبة طماطم كبيرة،،ملح فلفل أسود
الطريقة:

نقطع البصل شرائح رقيقة ونديرها مع اللحم وسنينات ثوم مقطعين رقيق واللوبيا الخضرا في كسكاس يفورو،،نضيفلهم الملح والفلفل الأسود ونخلوهم حتى يطيب اللحم ويذبال البصل وتطيب اللوبيا
نغلق ونخلي









نوجدو لاصوص تومات،نرابي سنينات ثوم ونقليهم في الزيت ونزيدلهم حبة طماطم كبيرة مرابية ملح وفلفل اسود و و2 كيسان ماء

ونخلوها حتى تخثار

كي يطيب اللحم واللوبيا نديرهم ينقلاو في الزيت

نزيدلهم لاصوص تومات

ونخليهم غير شوية فوق النار ومن بعد نقدمهم






صدقوني بنينة بزاف وراح تعجبكم