قاطو ليمول بحشوة غاناش الشكولة اممممم هاااايل

[ام اماني77]

سم الله الرحمان الرحيم والصلاة والسلام على أشرف المرسلين سيدنا محمد وعلى اله وصحبه اجمعين

حلوى اليوم رائعة شكلا وذوقا عجينتها هشة تذوب في الفم و الحشو عبارة عن غاناش شوكولا كنوع من التغيير لأننا متعودين على حشوها بالنيسلي او النوتيلا

العجينة

250غ مرغرين
100غ سكر رطب
100غ مايزينة
بيضة
صفار بيضة
نصف ملعقة صغيرة خميرة
فاني
فرينة

غاناش الشكولة

200غ شكولة انا استخدمت امباسادور
100مل كريمة سائلة
قطعة شكولة

للتزيين

شوكولاطة
عجينة لوز اصطناعية
حبيبات فضية

الطريقة

اولا نقوم بتحضير الغاناش نضع الكريمة السائلة على النار حتى الغليان بعدها ننزعها من النار ونضيف لها الشكولاطة وقطعة الزبدة وبهذا نستطيع الاحتفاظ بالغاناش لمدة 15يوم بعدها نتركها جانبا لتبرد لحين الاستعمال

تحضير العجينة

بواسطة الخلاط الكهربائي نخلط الزبدة مع السكر جيدا نضيف البيض مع الاستمرار في الخلط ثم نضيف الفاني المايزينة الخميرة ونلمها بالفرينة
نبسط العجينة في القوالب انا استخدمت هذا الشكل

ندخلها للفرن تطيب على درجة حرارة 180 درجة

بعدها نحشيها بغناش الشكولة

نزين نصف كمية الحلوى بخطوط من الشكولة ونحطها فوق الحلوى لي عمرنها بالغاناش واكيد نحط كمية من الشكولة على الاطراف حتى تلصق الحلوى مع بعض

بعدها ناخذ كمية من عجينة اللوز الاصطناعية نضيفلها الكاكاو بالبانسو نحط عليها ملمع ذهبي ونحطها في هذا المول

ونزين بها من فوق هكذا

ونزين بالعقاش كما في الصورة

وهذا شكلها النهائي

ملاحظة

يجب تسخين الكريمة السائلة حتى الغليان وهذا للإحتفاظ بالغاناش لمدة أطول تدوم 15يوم

اتمنى ان تجربوا الوصفة لأنها بنينة وتذوب في الفم

ولا تنسوني غالياتي من صالح دعائكن

تم بعون الله