بادنجان مشرمل على الطريقة المــــراكشية

[أمنية غفران]

السلام عليكم و رحمة الله تعالى و بركاته
.................................................. .

هده الكيفية تقدرو تقدموها كمــــقـبـلـة

و رمضان بحول الله على الأبواب

اللهم بلغنا رمضان

بادنجان مشرمل على الطريقة المــــراكشية

ألــــف تـــحـية لأحــبتنا في الـــمغـرب

الطريقة
تحكمي بادنجان بعد غسله قومي بادخال السكين أي ديري شقوق من غير ما توصلي للحافات أوكي ديري حوالي أربع شقوق
و تكوني وجدتي الشرمولة من ثوم مرابي كمية تكون كبيرة كيما انا درت في هادو الحبات درت راس و نص نتاع ثوم
معاه البهارات الي تحبي أنا درت كوكتال مكون من ملح و كيري وشوية فلفل اسود وزنجبيل و كمون زيدي معاهم اربع مغارف كبار زيت....

و السر ديالي الي يعطيها بنة خيال هو مغيرفة نتاع موطارد خلطي كلشي مع بعض و ادخليه في وسط شقوق الي درتيهم في البادنجان و ما تنسايش تكوني عمقتي السكين في داخل
البادنجانة فهمتوني ياك
النقطة المهمة هنايا تكوني موجدة كوكوت مينيت
حطي البادنجانات فيها و زيدي عليها شوية ماء راني نقول شوية ماء الي تكوني شللتي بيه طبسي الشرمولة
و اغلقي الكوكوت و نقصي النار قد ما تقدري على نار جد هادية
و راهي ما طولش في الطياب حاجة خفيفة
..................................
ملاحظة جد مهمة
تمهلي عزيزتي كي تحبي تقدميها خرجيها غير بالعقل راني نقول غير بالعقل باش ما يفسدش شكلها دبري راسك هههههههههه
اممم ما نحكيلكمش على بنتها و هاديك الصوص هايلة
انا زدت ارفقت معاها في صحني صوص طوماطيش نتاع تغميس
...................................

تفضلن اليكن الصور تشرح أكثر

تحياتي للجميع و دعاء بظهر الغيب ربي يسهل لي أموري في هاد العواشير
.....................















شكرا لكل من مر هنا
اللهم بلغنا رمضان