سوفلي بعجينة ال 10 دقائق ولا اروع

شمس بريكة · 2015-05-08, 20:05

اليوم اول مرة نستعمل عجينة العشر دقائق في مخبوزاتي وانبهرت بالنتيجة
ولا اروع عجينة طرية وطابت هااااايلة
المقادير
كاس حليب دافي
كاس ماء دافي
كاس فرينة
مغرف سكر كبيرة
مغرف خميرة خبز
ملح
لميهم معى بعض وحطيها عشر دقائق ترتاح غطيها بكيس ومنشفة
بعدها ضيفي الفرينة ولمي بالشوي حتى تولي عجينة طرية وما تلصقش في اليد
واعجنيها مرة اخيرة بفنجال صغير زيت
استعمليها مباشرة

الحشو انا درت شكشوكة وفقست فوقها بيضات وبرشت الفرماج

ادهني البلاط بالزيت ورشي بالفرينة
حلي العجينة بالحلال وحطيها في البلاط
فرشي الحشوة وحطي الطبقة الثانية من العجينة
امسحي بالبيض

ومن فوق رشيت الفرماج

حطيها طيب من تحت ومن فوق
خرجيها قطعيها وبالصحة والهنا

شوفو كي طابت وذاب الفرماج
زوووووووووووووووم
خخخخخ الي تتوحم ما تدخلش

ممممممممممممممم
بصح كلاوها قبل ما نصورها كي قطعتها جات هااااااااااااااااايلة
خفت لا ياكلوها وما يخلوليش خبيت حباتي هههههههه