~~~ الحرشة المغربية بالحشو من مطبخي ~~~~

[عازفة الناي]

مرة على مرة ندقو باب مطبخ من المطابخ العربية و العالمية و نختارو وصفة و نتعلموها
باه يولي عندنا نوع من التغيير و التجديد في الاكل تاعنا
اليوم جبت وصفة مغربية الصرااحة راااااااااااااااااااااااااااائعة
سهلة التحضير و مقاديرها بسيطة ومتوفرة فكل بيت
الوصفة هي " الحرشة المغربية "

رطل سميد رقيق او متوسط 500غ
16 سل خليط زبدة + زيت
كيس خميرة كيميائية
نص ملعقة خميرة خبز
قبصة ملح
2 ملاعق سكر
30سل حليب ممكن اكثر شوي او اقل حسب نوع السميد

* نضع المكونات كلها مع بعض ماعدا الحليب و نبسس مليح


* ونلم بالحليب مانعجنش نستخدم الاصابع باه تجي هشة و مرملة اممممممممممممم لازم تكون شبه جارية
* نتركها ترتاح 15 د

الحشو: حسب الرغبة و المتوفر عندك ممكن الكبدة او الدجاج
انا عملت 2 حشوات
الاول : الفرماج و الاعشاب
انواع مختلفة من الفرماج
زعيترة ، معدنوس


التاني : اللحم المفروم
نشوح اللحم المفروم في شوي زيت و نضيف شوي ثوم ، قرفة ، ملح ، فلفل اسود ، معدنوس ، حبة طماطم مقطعة مكعبات شوي هريسة

التشكيل :
* نحل العجين فوق مكان مرشوش بالسميد
* نعمل دوائر او اي شكل
* ناخذ القطعة الاولى و نضع عليها كمية من الحشو و نغطي بالعجين




* نطيبهم كما نطيبو البراج " المبرجة "



وهنا عملت الشكل قلب ههههههههههه

ممكن تقدموها مع سلاطة او شربة امممممممممممممممممممممممممم
يارب نكون افدتكم بوصفة سهلة سريعة و مليحة لايام الصيف عشاء خفيف
ذكرتني ليزا " ممكن تعملوها من غير حشو و تجي هشة و راااااائعة مع كوب شاي اممممممممممممممم "
جربوها ~~~ شهية طيبة ~~~
انتظر دعواتكم الطيبة