السلام عليكم
https://www.djelfa.info/vb/showthread.php?t=1794482
انا الي كتبت هذه المشكلة
في الأول نشكر شكرا جزيلا الاعضاء الي قاموا بالرد وحتى الذي ارادو ذلك ولم يستطيعوا قول بارك الله فيكم ربي يحفظكم
برك حبيت نوضح بعض النقاط الي شايفها مش واضحة لاني شفت الاعضاء الي ردوا ما قراوش الموضوع ذلك لاني شفت بعض الردود تتنافى مع وش كتبت
اول حاجة بعض الاخوة تهجموا على بنت خالتي الكبيرة وقالوا انها مش متربية أقول هده بنت خالتي ونعرفها ونعرف عقليتها وهي مش من هذا النوع الي تعتقدوه بالعكس هي صارحتني لانها تعزني فقط وانا الي طلبت منها تقول الي تعرفها على بنت خالتي فاكيد راح تزيد معزتها عندي هكذا تكون الاخوة اوفلا
اما الي قالوا انها ممكن تكذب فاعتقد انهم ماقراوش الموضوع اصلا لاني قلت ان خطيبتي في البداية انكرت ولكنها اعترفت بالحقيقة اذا بنت خالتي الكبيرة ما كذبتش
النقطة الثانية الي يقولوا كان المفروض تسقسي عليها قبل الخطبة وليس بعدها انا نقول وراها المشكلة اذا سقسيت وراء الخطبة يخي مزال الزواج وش عليه اذا سقسيتي من حقي نسقسي حتى بعد الزواج
كما الاخوة الي قالوا ماعندكش الكلمة وانك تقول مالا تفعل وخاصة بنت الرحل فاقول لها كان من المفروض انك تتعبي نفسك قليلا وتقرؤاي الموضوع فلا يمكن الرد على مشكلة بدون قراءتها فانا وفيت بوعدي والحمد لله ماني شافي على نهار بدلت كلمتي ولا خنت عهدي فانا ما لمتهاش على ماضيها او انها تعرف رجال ولم ابالي يوما انها بمضاييها واصلا هي اعترفتلي في بداية الخطبة بلي عندها ماضي وما قتلها والو وكملت معاها عادي لوكان قريتو المشكلة لوكالن عرفتوا هدا
اذن المشكلة أنني الومها على هذه العقلية الي خلاتها تتذلل للرجال وتعرض نفسها عليهم هذا هو الي خلاني نلوم عليها ونفكر اني نخليها للاني مانقدرش نتزوج وحدة خالفت سنة الكون انا شايف ان الرجل هو الي يبادر للمرأة وليس العكس حتى الحيوانات اكرمكم الله الذكر هو الي يبادر هذي راها جابت بدعة ما سمعت بها قبلا
انا قررت نبطل بصح كيفاه نقنع خالتي وامي