المادلان المسروق شششششششش

[إلهام07]

مشكورات حبيباتي على المرور أسعدتني ردودكن

المشاركة الأصلية كتبت بواسطة fatma1977

صحيتى لهومة يبان يشهى كيما مادلين نتاع إسبانيا نقدر المقادير نخلطها كامل بلا ما نفصل البياض عن الصفار وطريقة الماء السخون رانى ما عنديش الصبر حبيبتى ولا لازم نتبعو الطريقة بالتفصيل

كي تفصلي الصفار عن البيضا يجيك اخف واخف حابة تضربي البيض كامل مع السكر ممكن بصح الاحسن تفصلي النتيجة جي افضل
طريقة الماء الساخن شوفي تخرجي البيض من الثلاجة وتحطيه في الماء السخون وتروحي تكملي تجبدي الحوايج اللي بقاو كي توجدي كلش يكون البيض خلاص دفى نحيه من الماء فقسيه وأبداي العمل يعني ماتبقايش تستناي وضيعي وقت
انا حطيتلكم هذو الخطوات لاحسن نتيجة ومادلان إسبانيا راهو هش كيما البيسكوي على هذي انتبهت وفصلت الصفار على البياض عادة في وصفات المادلان مايفصلوهمش

المشاركة الأصلية كتبت بواسطة gazala-dz

شكرا على السرقة قصدي على الوصفة هههههههههههههه
انا ما عنديش المول لي نحط فيه لي كيسات نقدر نديرو بليكيسات وحدهم ويصلحلي؟؟

نعم كاين بزاف اخوات ماعندهمش لي مول يديرو مباشرة في كيسات الورق فقط اخدمي بالشوية وخاصة كي تهزي الصينية دخليها للفرن ومن بعد كي يطيبو يحكمو رواحهم عادي
لي مول نتاع المادلان يديرو 15دج للوحدة ماتسحقيش اكثر من 20 يعني المجموع 300دج ماشي غاليين وممكن تشري بلاكة المادلان نتاع حديد وتدهني بالزبدة وترشيها فرينة وتخدمي بيها وتغسليها وتبقالك ثاني ماشي غاليين يديرو 350دج

المشاركة الأصلية كتبت بواسطة RISA

nchalah njarabha lindirou ana mayjich khfif mrc khti

حبيبتي بإذن الله هذا يجيك خفيف ماكان حتى وحدة جرباتو ومانجحتش فيه

المشاركة الأصلية كتبت بواسطة rafika.31

اوك اختي بسكوة حبيت نجربو وخفت لا نغلط باسكو قلتي في الاخير حتي ضاعفي المقادير الاخري مضعفيش الخميرة 2.5 و نورمال مو في 6 بيض نعمل 3 1.5+1.5 =3
و اسمحيلي علي الزعاج و راني درت ترتولات تاع ليمون وجا فور مرسي ممكن نعمل بيهم المالح

ماعليش حابة ديري 3 خميرة ماشي مشكل كاين بزاف مايحبوش كي يجيهم خفيف بزاف هذا لاه قلت نقصو
ماكان حتى ازعاج الغرض من المواضيع انو نتعلمو من بعضانا
نعم عجينة تارتولات الزيت تقدري ديري بيهم المالح فقط ماتحطيش فاني وسكر في العجينة
حتى حنا في دارنا مالفين نديرو بيه لي كيش ويجي هايل وخفيف عجينتو