ذكريات رجـــــــاء في العشرية الســــــــــوداء

[أم أماني أريج]

المشاركة الأصلية كتبت بواسطة Simassim

السلام عليكم
اول ماشفت العنوان نكذب عليك ضحكت بالدموع. تفكرت موقفصرا. من بعد تفكرت وراحت الضحكة. خاصة بعد ماقريت ردود الأعضاء

الله يحاسب لي كان السبب وربي يحمي البلاد والشعب الجزائري. ايام مرت لكن اتارها.وعقدها كبيرة مازلت للان

كنت صغيرة هداك الوقت يمات نروح عند جدي ونسمعوهم يضربو الجبال بالمدافع كنت نفرح. وتعجبني هديك الشعلة الحمرا لي فالسما.
ونهار هجموا على الحي تاعنا. وأختي كانت وحدها فالدار عمرها سبع سنين مع اخي الصغير فعمره شهور برك. راح ضحيتها رجل شرطي مسكين والطريق. كاملة واحنا نشوف بقع الدم. وسائق الطاكسي يتكلم هنا دبحو فلان وهنا حرقو طاكسي تاع فلان. دون مراعاة وجود صغار فاللوطو لاحول لا قوة الا بالله
وتفتيش الأمن للبيوت والدي ملتحي. كل مرة نشوف ماما وبابا مقلقين وانا نقول علاش. نطفو الضو ويسكتو. باش مايدخلوش عندنا مرة واحدة الحكايت بدأت ترجع والصور تدور بين عيني
أمور وحوادث وقصص كنت نسمعها وقتها مافهمتهاش وبقات راسخة برأسي وصلت اول موضوع بحت عليه فالنت هو الاٍرهاب. وشفت اللي ماينشاف. قدرت نفهم واش كان صار. بصح ندمت. لاني وقتها حسّيت روحي تبدلت تتارت بزاف. صح مرات الجهل يكون انعم من العلم

و عليكم السلام أخيتي سيماسيم

الحمد لله ربي حفظ أبوك أنذاك لأن الملتحي في ذلك الزمن كان يدفع ثمن إتباعه لسنة النبي لأن أولاد الحرام حرموها على أولاد الحلال

تفكرت موقف تاع معلم مسكين كان يقري في مدرستي الإبتدائية شدوه العساكر في الطريق و هو ملتحي فحرقولوا نصف لحيته و تركوا له النصف الآخر و

خلاوه يرجع هكذاك بهذاك المنظر المحرج لبيتو

مزية كنت صغيرة و ماكنتيش تتأثري بزاف على الأقل حافظتي على برودة أعصابك

ربي يحفظك و يحفظ العائلة الكريمة

سعدت لمرورك الجميل

شكرا