كيش بالسلق و اللحم المفروم رووووووعة

[walido2011]

السلام عليكم اليوم درت كيش بالسلق و اللحم المفروم راااائع و بنين نشالله يعجبكم و تجربوه.



مقادير العجين :
300غ فرينة
150غ زبدة
نصف ملعة صغيرة ملح
صفار بيضة
و القليل من الماء حوالي نصف كأس لجمع العجين

الطريقة : نخلط الملح و الفرينة نضيفلها الزبدة و ندخلها مليح مع الفرينة و نرملها ثم ندير حفرة نضيف صفار البيضة و شويا ما وبدا نلم فيها بلا ما نعجن نغطيها و نخليها ترتاح نصف ساعة.

مقادير الحشو :
200غ لحم مرحي
ربطة سلق مغلية و مقطرة
حبة بصل مقطعة رقيق
حبة و نصف طماطم مقطعة مربعات صغيرة
100غ زيتون مقطع دوائر
حوالي 4 ملاعق زيت
جبن مبشور
ملح و فلفل أسود

الطريقة :
في مقلاة نقلي البصل مع اللحم فالزيت والملح و الفلفل الأسود، نضيف السبانخ، وفي الأخير نضيف الطماطم الزيتون و نخليها حوالي دقيقتين لازم الطماطم تبقى شادا روحها.

نحل العجينة في مول تع الكيش نثقبها و نضيفلها الحشو نرميلها الجبن المبشور من الفوق و أنا زدتلها القليل من الكامبير، وندخلها الفرن طيب درجة حرارة 190° حتى نشوفوها حمارة، نشالله تعجبكم و تجربوها.