la tarte تاع spiderman لوليد خويا

[lama Rimasse]

5 بيض +5مغارف كبار سكر تخلطي بالباتور حتى يتضاعف الحجم
زيدو 5 مغارف زيت+الفرينة متكونش خفيفة و متكونش ثقيلة+2levure chimique
ادهني المول و ديري الخليط يطيب
كي طيب خليها تبرد مليح هي لوكان ديريها ليلة قبل جيك خير
اقسميها على 3 ثم شمخيها بالسيرو انا استعملت un jus koctal جي مليحة تان بيه
la creme patissiere
انا درت 1بيض 2مغارف كبار سكر 1 مغرف نشاء و خلطي مليح ديري فنجال حليب و خلطي ثم ديريها فوق النار و زيدي كاس كبير حليب حتى تعقد و ديريها تبرد في الثلاجة
la creme de banane
في مقلاة ديري مغرف زبدة 2 مغارف سكر +2 بنان و عبزيه كيما الكومبوت و خليها تبرد
تلعي كريم شانتي نحي مغرف بيضاء و الباقي ديريلو ملون احمر
حتي الجزء الاول تاع la tarte في صحن ديري فوقها la creme patissiere ثم الجزء الثاني *تاع la tarte ثم a creme de banane الجزء الثالث تاع la tarte ثم غطيها كامل بالكريم شانتي الحمراء و ديريها في الثلاجة باش تزيد تشد روحها
ذوبي الشكلاطة و ديريها في ساشي تاع الحليب
ارسمي راس spiderman بالشكلاطة و ديري العينين و هادوك الخطوط
العينين في الوسط ديريلهم شانتي البيضاء
و ديريها في الثلاجة