~ ~ ~طلباتكم مجابة بإذن الله ~ ~ ~

[ام سراج وملاك]

المشاركة الأصلية كتبت بواسطة heaven's road

السلام عليكم
شكرا لكي اختي زينب على فكرة الموضوع و ربي يزيدهالك في ميزان حسناتك ان شاء الله و على فكرة انا من متتبعي مواضيعك القيمة و اشكر ايضا جميع الاخوات لي راهم يجاوبوا على الاستفسارات
راني عندي استفسار حول تحلية ارونجينا للاخت اسمهان 79 حطتها الاخت عازفة الناي في وصفات حراير الكوزينة


و حطت الوصفة تاعها لكن ما فهمتهاش ممكن توضحوهالي خاصة الكلمة لي بالاحمر
عملت لتر عصير ارونجينا ضفتلو 6 م ك نشاء 3 م ك سكر وفاني
قسمت على زوج وطيبت الاول على النار حتى عقد فرغتو في ليكوب
حطيت قطع من البرتقال في الوسط ثم عقدت النصف الثاني وفرغتو عليه وزينت بقشور البرتقال وريشات نعناع و ممكن تعمليه يعصير رامي او اي عصير عندك واي ذوق تحبيه


ايضا عندي استفسار ثاني و هو عن الطريقة المعتمدة تاعكم في تحضير السردين المقلي حبيت نعرف واش تحطوا في التتبيلة و الطريقة باش نغير شوي في طريقتي

علبالي كثرت عليكم و شكرا مسبقا على الاجابة

اختي راهي واضحة نصف لتر اورنجينا عصير لي يتباع لبرة درات فيه 6 مغارف كبار نشاء و3 مغارف كبار سكر وفاني
عقدت لي بلون الاحمر معناها خثارت كي خثارت حطتها في الاكواب وقسمت برتقال مكعبات صغار طبعا بعد مقشراتو حطاتو وزادت فرغت فوقو الباقي نتاع العصير اورانجينا لي طيباتو مع نشاء وسكر
اما طريقتي في تتبيل السردين هيا ندير راس ثوم مرابي وشوي فلفل احمر حلو او حار حسب الرغبة وشوي كمون ومعدنوس مقطع صغير ونصف حبة طماطم الحب ونصف مغرف طماطم الباط نخلطهم مليح وندير الدرسة هاذي بين زوج حبات سردين ونديرهم في سميد ونقليهم
زيدي شوفي الرابط بلاكش يساعدك

https://www.djelfa.info/vb/showthread.php?t=1226434

https://www.djelfa.info/vb/showthread.php?t=1281470