تقريري المفصل لثاني اسبوع في دورة الفراشات

[YASMINE SILA]

اهلا و سهلااااااااااااااااا وشراكم يا فراشات يا نشيطات ياحلوات توحشاكم برشا برشا كيما يقولو خاوتنا التوانسا
راني كل يوم ندخل نقرا مشاركاتكم و نقرا دروس القائدة حبيبة و نحاول نطبق الي نقدر عليه و اليوم عدنا اسبوعين منذ ان قررنا التغيير و الاستمتاع به
نبداو على بركة الله زيادة على اعمال الاسبوع الاول الي ترسخت و الحمد لله و تطبق كل يوم مهما كانت الظروف و لاعودة الى الوراء حاولت نزيد نحسن من نفسي هاذ الاسبوع و اهدافي كانت تصب معظمها في الجانب الديني
هاذ الاسبوع رجعت للورد اليومي من القران بعد ان هجرته لفترة -يا غفار اغفرلي- و الحمد لله كل يوه اقرا ماتيسر من القران وثاني بديت في حفظ سورة الملك و راني حاليا في الاية الواحدة و العشرون ادعولي ربي يثبتني
و الي اثر فيا بزاف سبحان الله هو موضوع الاخت حبيبة عن صلاة الفجر كنت قبلها يومين لم اصل الفجر و حسيت روحي محبطة و قلت كيفاش اتدارك الامر حتى قريت الموضوع الذي كان كالبلسم على الجرح و الله طاحت دمعة من عبني وانا نقرا كيفاش الغرب ينوضوا على جال كلب باش يخرجوه برا يحوس في حين حنا نقولوا مانقدروش نوضو رانا عايانين
و وليت كل مايصونيلي المنبه نقول يااارب قدرني و نتفكر البنات ناضوا نوض معاكم ربي يجازيك خير يا حبيبة خااااصة فيما يتعلق بهاذ النقطة
الامر الثاني راح ولا عندي وقت باش ندير اشغاااال يدوية انا نموت على الاشغال و درتلهم وقت في برنامجي
كنت شريت شورة من قيل بيضااااء اللون حسيتها سامطة حبيت ندخل عليها شوية حيوية ايمالا سرقت اللون الي تكتب بيه الغالية حبيبة و شريت منو حاشيو و طرف قماش
هاذي الصورة قبل التغيير





وهاذي بعد مادرتلها الحاشية و هاذاك هو طرف القماش -قولولي عجبكم لونو- و مازال نشري نجيمات صغار نزيدنزين بيهم و نوريهالكم كااملة







نجو لاحوال المطبخ تغيرت نظرتي ليه لاني كنت مانحبش الطبح و نحسو امر مكره و يسبب الصاااع الدائم لكن ملي دخلت الدورة قررت نتعلم و بدات المهارات تظهر هههههههه مانطولش الحكاية بزاف لانو خدث و لااا حرج المهم صورت غير الي نجحولي و الي مانجحوش كي نعاودهم و يجو ملاح نقولكم عليهم
درت قراتان بطاطا للاخت الهام السطايفة يطيها الصحة

و درت قاطو sec باش نشربو قهيوة

يعني لاباس راني مازالني نددش
نصيييحة مادامكم عطلة غير علموا بناتكم يديرو حاجات خفاف مش كيما حالتي ماما ربي يحفظها كانت تقولي ماديري والو اتاي غير يقرايتك

بالنسبة للعناية بالجمال كتبت وصفة الاحت جيادا نتاع دوف ربي يخليهالنا و مشكورة على مجهوداتها و قلت كاش نهار نطبقها
و كي كنت ندير في تطبيق 15 دقيقة للاماكن الساخنة ولات الامور تبتن و المكونات عندي الكل فالدار -و انا ماعلاباليشششششششش يا حشومتي يا حشومتي-
ايمالا قلت هاذيك هي نجرب و نشوف
هاذو هوما المكونات

و هاذي هي الوصفة جاااهزة



درتها اليوم حسيت بوجهي منتعش و مع الوقت نداوم و نشوف النايجة باذن الله
بما انكم عطلة نقولكم عطلة سعيدة باذن الله راني نتابع في نشاطاتكم مع اولادكم ربي يحفظهم و سلام خااااااااص لبنت جيادا و لمنولة ايضا بنت ام منال
راني نستفاد منكم لاني في يوم من الايام ساكون ام بمشيئة الله
لكن ثاني عندي زويوشات نتهالا فيهم



يسلمو عليكم و يقولولكم زيو زييييييييو زيوو
يعني عطلة سعييييدة مع وليداتكم و سلام حار منهم للعزيزة حبيبة
تقبلو مروريي
الحمد لله