بيري بالسلق والمورلو عن جد لذيذة.......

[اسمهان79]

السلام عليكم ورحمة الله وبركاته
اهلين حبيباتي كيف الاحوال
وصفة اليوم بسيطة وساهلا وان شاء الله تنال رضاكم










يلا بسم الله
عندنا بطاطا نغليوها في الماء



ثم نمعسوها بالفرشيطة او بهاذي



نحطو السلق يذبال على النار مع شوية زبدة ملح فلفل اسود توابل الكاري كمون نخليه ينشف مليح من الماء نتاعو


نحيوه من على النار ثم نزيدلو صفار بيضة شوية معدنوس شوية فرماج مرابي شوية فرينة و1 م ك زيت الزيتون والبطاطة اللي كنا وجدناها من قبل نخلط مع بعض



ثم بمساعدة الماء نعمل كريات



نحط في طاوة ماء يغلي من بعد نحط هاذوك الكريات في الماء



رايحين ينزلو للاسفل غير تشوفيهم بداو يطلعو نحيهم بلاك تنسايهم يتحلو على خاطر



ندهن بلاطو بالزبدة ونحطهم فيه



نوجد صوصو الطماطم
نقطع الطماطم طرونشات نضيفلها نصف حبة بصل مقطعه شرائح 2سنات ثوم شرائح فلفل اسود افاح كمون زنجبيل دبشة زيت 1 م ك طماطم مصبرة هريسة الا حبيتي 2 ورقات رند نحطها تطيب مع التحريك مرة على مرة





من بعد نرحيها بالبرا ميكسوراكيد بعد ما نحي اوراق الرند



ومن بعد في الرحاية اليدوية
تتحصلي على الذ صوص طماطم ممكن تعمليه

هاذ الصوص على طريقة اللهلوبة الهام ربي يذكرها بالخير
نفرغ في وسط البلا هاذاك الصوص نذرذر فرماج مرحي





ونلوحو يطيب في الفور ما يخذش وقت بزاف
هنا بعد ما طاب



انا عملت معاه مورلو على طريقة الشاف اسامة
حطيت في مقلا شوية زيت او زيت زيتون كيما تحبي ثم حطيت قطع من سمك المورلوانا هنا استعملت الفري وممكن تستعملي الكونجلي عادي وقطعت فوقو بصل حلقات وثوم حلقات وراس فلفل حار وطماطم ايضا حلقات ذرذرة شوية دبشة كمون فلفل اسود ملح



غطيتو مدة 15 د على نار هادئة ثم نحيت عليه الغطاء وزدتلو للنار حتي تشوفيه نشف مليح وكل هاذا بلا ما تحركي



وقدميه مع الباطاطا وبالصحة والهناء



نتمنى تجربوه راه بنين بزاف
للامانة وصفة البطاطا راني جربتها من احدى الكتب
في امان الله