ليباتاشو محشين بالطن ومعاهم حساء السمك امممممممم

[اسمهان79]

السلام عليكم ورحمة الله وبركاته
رايحة نقدملكم اليوم لي باتاشو محشين
ذوقهم هباااااااااال
ويرافقهم حساء السمك











بسم الله
مقادير الباتاشو
100 فرينة لابال
100 مل حليب
90 غ زبدة
1 م ك سكر عادي شوية ملح 3بيض
الحشوة
استعملت باطة طن زيت ومصفي من الزيت نتاعو
2بيضات مغلين ونرابيهم
شوية معدنوس
2 م ك مايوناز
2 فرماج كيري
شوية زيتون مقطع شرائح
التزين
2 بيضات مغلين ومرابين
التحضير
اول شيئ كاين اللي يحب يعمل ليبات اشو بالماء بدل الحليب لكن انا نحب الحليب اكثر لأنو يجي رائع بيه
حطي الحليب في طاوة ثم اضيقيلو الزبدة مقطعة الى قطع ملح والسكر وحركي
وهنا حبيت نوضحلكم بلي طعم السكر مش رايح يجي باين لأنو الطن والمايوناز رايحين يتغلبو عليه


ثم على النار مع الاستمرار في التحرييك عند الغلية الاولى نحي من على النار



واضيفي الفرينة دفعة واحدة وخلطي مليح مليح






ثم اضيفي البيض بالواحدة وخلطي كل ما تضيفي بيضة خلطي مليح



لتحصلي على هاذ القوام



حطيه في بوش ادوي



ثم حطي وردات فوق ورق الزبدة وممكن تستعمليهم بشكل طولي كل واحد والذوق نتاعو



ادهنيهم بشوية حليب ودخليهم يطيبو على درجة 180° حتى يحمارو من تحت وزيدي شعلي عليهم من فوق راهم ما ياخذوش وقت طويل
من بعد ما يطيبو ويبدو اقسمي الجزء الاعلى
شفي كيفاش فارغين من الداخل




وجدي الحشوة بخلط جميع المقادير



وعمري بيهم الحبات



ثم حطي على الحشوة بيض مغلي ومرابي






قدميهم مع سلطة راهم مع الطن و المايوناز يجو ما شاء الله
نروحو للحساء
نحتاج 3 حبات بطاطا 2 جريوات
حبة بصل مقطعة شرائح ثوم 1حبة جزر كرافس وسلق عصير حبة قارص
نصف حبة طماطم ملعقة صغيرة طماطم مصبرة 1مً ك فرينة ملح فلفل اسود شوية كمون وتوابل
وقطعة زبدة وطرف سمك المورلو









قليتهم مليح على نار هادية حتى قريب طابو ثم مرقتهم وخليتهم يطيبو
بعد ما طابو رحيتهم بالبرا ميكسور ثم فوتهم في الرحاية اليدوية باه يجيك صافي
لتحصلي على الذ حساء سمك ممكن تاكليه مع عصرة قارص اممممممممم انا هنا زينتو بلاكرام فراش



بالصحة والهناء
دعوة خير تكفيني
في امان الله حبيباتي