جبتلكم زوج مقبلات بصح فوووووووووور

[اسمهان79]

السلام عليكم ورحمة الله وبركاته
عندي اليوم زوج مقبلات
ان شاء الله يعجبوكم وينالو رضاكم








من الداااااااخل







نبدئ بسم الله
اول مقبلة وهي لي كورني باهية وبنينة
نخدم باليد 125غ زبدة طرية نضيفلها 1بيضة نعطرها بشوية فلفل اسود وزنجبيل مرحي والقليل من الملح ثم 2 م ك ماء ونشف بالفرينة
نغطيها ونخليها ترتاح ثم نعمر بيها هاذ الاكواب الصغيرة



بالنسبة للحشو استعملي الحشوة اللي حبيتي
انا استعملت لحم مرحي قليتو في شوية زبدة وزدتلو زيتون اخضر مقطع شرائح وملح وفلفل اسود وتوابل بعد ما تقلى مليح صبيتلو حوالي فنجان كرام فراش وخليتو يغلي حتى نشف





عمرت بيه هاذوك الاكواب وغطيتهم بالفرماج انا هنا استعملت فرماج بربار طري وبنين



لحتهم يطيبو في الفور
من بعد زينتهم بالباطاطا كنت غليتها من قبل وعبزتها بالفرشيطة مليح وضفتلها شوية معدنوس او دبشة وفلفل اسود وملح وشوية فلفل احمرحلو و مرحي و2قطع فرماج لافاش كيري خلطتهم مليح



ودرتها في لابوش ادوي



ثم زينت بيهم من فوق هكذا



وكملت التزين بوريقات نعناع



المقبلة الثانية
بريوش محشي بالسلق واكيد امممممم
حطيت في جفنة كاس حليب دافي مليح وزدتلو ملح فلفل اسود و1 م ك خميرة الخبز ونصف ملعقة صغيرة سكر وتقريبا فنجان صغير زيت وكاس فرينة وخلطت وخليتهم يخمرو
بعد ما خمور ضفتلهم الفرينة حتى تحصلت على عجينة طرية دهنتها بالزيت وخليتها تخمر للمرة الثانية



نص عملت بيه بيتزا لبنوتاتي حبيباتي



ونصف عملت بيه بريوشات
اول شيئ وجدي الحشوة وهي كمية من السلق مذبل في الزبدة وضفنالو راس فلفل حار مقطع وخليط من الدبشة والمعدنوس وشوية لحم مرحي واكيد ملح وتوابل خليتو يتقلى حتى نشف من الماء نتاعو



خذي هاذ النوع من القوالب ادهنيهم بالزبدة



وحطي العجين بهاذ الشكل باش تقدري من بعد تغطي الحشوة يعني جزء من العجينة يجي في القالب وجزء على برا



حطي شوية حشوة وغطيه بالفرماج وزيدي حطي الحشوة وغطي بالعجينة مليح وحوالي تغلقي مليح ادهني بصفار البيض معاه شوية حليب وخل زينتهم بشوية سينوج ودخليه يطيب حتى يحمار من تحت ومن فوق







وبالصحة والهناء على قلوبكم
في امان الله