دورة فراشات تزهو بالألوان بيوتهن قمة في النظافة و التنظيم و التدبير و الاتقان

[~ حراير ~]

السلام عليكم و رحمة الله تعالى و بركاته

الله الله عليك يا ملكة الفراشات و الا في الحقيقة راح نسميك ملكة النحل
الي موافق يرفع يديه؟؟؟؟؟؟؟

حبيت نقلك انه اعجبني بزاف البرنامج الي حطيتيه يعني في الحق اعجبني بزاف بزاف بزاف و لكن الملف ماجانيش ياريت تعاوديلي بليييييييييييييز

اما عن برنامج اليوم
كوني هانية يا لحبيبة هاد برنامجي اليومي يعطيك ربي صحتك و عينيك

.................................................. .

تطبيقي لليوم
الصباح بعد ما مديت حق ربي سبحانه جبار المكسورين و رحمن الدنيا و رحيمها
رحت للدوش ضربت فيها نص سويعة و زدت عطيت لرويحتي قبلة محبة و احترام

و من بعد شعلت الاذاعة كي العادة و طيبت حليبة و شربتها سخونة و حلوة و الكاس معمر يعمر الراس
و ماقابلتش الميكرو

منين خرجو لبنيات ربي يحفظهم و يخليهم و يعليهم باخلاقهم و دراستهم و دينهم "امين"
درت برنامجي العادي و من بعد رحت للمنطقة السخونة نلقاها كي البركان تبق بق "فهمتوها؟؟؟؟"

و هي قجور كتب الينات




















































يا مامي اوراق اوراق اوراق اوراق اوراق
راكم تعرفو الامتحانات
و كيما قلتلكم من قبل بناتي صغار ينظفو منين يشوف احمد يعني غير احشي احشي

رميت رميت و لقيت كمكومة تاع الوان و محافظ و تروسات ووووو بكري كنت نقول بلي نحتاجهم وووو ايا لحتهم في صندوق الصداقة هوما مش بزاف و لكن قد يستفاد منهم احد

كملت 3 قجور و مازال زوج حتى رن الهاتف معلنا عن انتهاء وقت التنظيف
و خرجت سندريلا تجري من الغرفة
رغم انه والله حبيت نغش و نكمل لانه بقالي الجهد

و من بعد درت واحد الامور و راجعت حفظي
بالمناسبة راكم تحفظو في القرآن في هاد الرابط؟؟
https://www.djelfa.info/vb/showthread...764999&page=13

و هاد هو تطبيقي
صح بلا صور لكن نضن وصلت الفكرة وش رايكم؟؟؟؟

حبيت نقلكم برك منين جاو بناتي و راحو باش يغيرو ادواتهم طارو بالفرحة و شبعنا بوس و قبل و تعناق هيهيهيهيهيه