تشيز كيك لذّهـ وخــيــآل من مطبخي

[مطبخ الاحلام]

ســلآم الله عليكم
تحيــآتي للجميـــع
رغم عدم تواجد قالب الخاص بتشيز كيك إلآ أني خرجته كيك كيك
وكآنت هذي أول تجربة فيه وللحين مازال ماعاودتلهاش ^^
نبدأ على بركة الله
المكونات للوصفة


المقاديـــر : الي استعملتهم انا
لعمل طبقة الجينواز :
2 بيض
60 غ سكر
60 غ فرينة
ملعقة كاكاو
فانيلا
القالب قطره 20 سم

طريقة تحضير الجينواز : الطبقة الاولى


على حمام مائي نخفق البيض والسكر مع رشة ملح و الفانيلا لمدة 10 دقائق أو أكثر حتى يصبح الخليط أبيض متماسك ثم نخلط الكاكاو مع الفرينة ونظيفها الى الخليط كرشات المطر ونصبها في القالب وندخلها الفرن درجة الحرارة 160 ولما تطها ضعيها تبرد جيدا ثم سقيها بالقطر أنا أخلطت القطر مع الكراميل
طريقة تحضير القطر :
3 كؤوس ماء (كاس نتاع تاي)
كاس ونص سكر
يغليو فوق النار 20 دقيقة من بعد نكهته بملعقة كراميل

هاد تشيز كيك خدمتو وحد الوقت الي ماكانش عندي المول الخاص بيه
فواش درت : حكمت سيلوفا وغلفت به كل القالب وتركت شويا من الجوانب باش كي ينشف وحدة تساعدت وتحملوه وطلعوه برات القالب

ومن بعد ماسقيتها بالقطر درت طبقة رقيييقة نتاع قناش وفالقناش خلطت معاه شوكولآ فينيتي الي يدهنوها فالخبز ودخلتها لثلاجة تبرد شويا

الطبقة الثانية الكريمة :
المقادير :
4 جبن كيري + ملعقة ك سكرناعم
2 petit suisse
100 سل قشدة طرية سائلة
120 غ كرام شانتي
94 غ حليب بارد
نخلط كيري يكون على درجة الغرفة مع السكر الناعم

ثم نضيفله 94 غ حليب بارد مع 2 تيسويس و 120 غ كرام شانتي ونطلعوهم مليح ونخليوه على جانب

نروحو في وعاء ثاني ونطلعو100سل كريمة سائلة الي هي كرام فخاش

وكي تطلع نخلطوها مع كريمة كيري

حتى نتحصلو على كريمة

من بعد ضفتلها رقائق الشكولآ لكي الحرية في اختيار الشوكولآ

والحين نحطو الكريمة في القالب وندخلها الثلاجة على بال نحضر القناش والي هي الطبقة الثالثة

الطبقة الثالثة :
تحضير القناش :
نقطع الشوكولا على هذا الشكل

100 سل قشدة طرية سائلة نضعها فوق نار هادئة ونسخنها ثم ننزعها من النار

ونضع فوقها علبة شوكولا انا استعملت نوعية منى المهم علبة ندخلها الثلاجة لتبرد قليلا مدة 10 دقائق


ثم نصبها فوق الكريمة




من الافضل ظل ليلة كاملة في الثلاجة
وهذه هي النتيجة











فيه ربلة نتاع الصوالح بصح في الأخييير نتيجة ولآ أروع