نوتيلا بنينة وزاكية من مطبخي

[امونة الشاوية]

السلام عليكم البنات
جبتلكم وصفة للنوتيلا روعة بنينة وزاكية وتقطع كمية كثيرة
وخاصة اننا ننحبو البريوش والقاطو وبزاف الوصفات يحتاجو الشوكولا
والباطة تاع النوتيلا صغيرة وغالية

وهاذي الوصفة نقدرو كل مرة نشريو مقدار واحدمن مقاديرها

ونخدموها ونخليوها في الثلاجة ولما نحتاجوها نخدمو بيها



المقدير :250 شوكولا تاع الطابلات نوار يعني علبتين ونصف
250غ زبدة
150 غ بندق محمص ومطحون ناعم ويكون مع قشورو لازم القشور يعطيو ذوق
علبة نيستلي 397غ


نحمصو البندق بقشورو ونرحيوه ونذوبو الشوكولا في حمام مائي ونحيوها من النار ونزيدولها الزبدة والنيستلي والبندق ونخلط مليح وندخلوها الثلاجة تبرد وتحكم روحها

ما ننساوش نغطيوها ببابي فيلم لكي ما تحملش ريحة الثلاجة





نيستلي ما يكونش طايب




وهنا لما حكمت روحها




وهنا خدمت بيها صابلي ام اماني

روعة كثرت على طول ذراعي ودايما ندير بيها البريوش امممم بنينة وزاكية و




بالتوفيق لكن