لامونا طرية ورائعة... وصفة لا تفوتكن

[mahopa18]

السلام عليكم حبيباتي
جيتكم بوصفة لامونا هاااااااايلة

250 مل حليب دافئ
100 غرام سكر
1/4 ملعقة صغيرة ملح
50 مل زيت
2 بيض
مبشور الليمون zeste du citron
500 غرام فرينة
ملعقة صغيرة خميرة فورية levure boulangère
ملعقة صغيرة زبدة noix du beurre

للتحضير

السكر + حليب+ ملح + زيت + بيض + خميرة + مبشور الليمون نخلوها تخمر لمدة ساعة

بعد ذلك نزيدو الفرينة ونعجنوها .. أنا استعملت العجان... الفرينة تقدرو تزيدو حسب الحاجة عينك ميزانك والعجينة لازم تكون طرية وتلصق في اليدين

بعد ذلك نزيدو الزبدة ونعجنو مليح

نخلوها تخمر حتى تتضاعف الحجم 2 الى 3 ساعات

نحطوها بعد ذلك في سنيوة ملائمة تكوني دهنتيها بالزبدة ودرتيلها الفرينة كالمعتاد
ونخلوها تخمر مرة أخرى
من بعد نديرولها(بيض+خل) لاعطائها الحمرة المناسبة عند الطهي .... وندخلوها فرن 180 درجة

نقوم بتحضير كريم باتيسيير crème pâtissière

250 مل حليب + فانيليا على نار هادئة

نضيفولها بيضة + 30 غرام نشاء(مايزينة) + 50 غرام سكر بعد ما نكونو خلطناها مليح

نزيدوها فوق الحليب مع التحريك حتى تتخثر
نخلوها تبرد ونزيدولها كريم شانتيي crème chantilly

بعد ذلك مين تطيب لامونا ديالنا نقسموها على زوج نحطو كريم باتيسيير + كريم شانتيي











واذا تحبو تزينوها بمعجون من الفوق ولا سكر... أنا نحبها هكا بلا معجون

ان شاء الله تكون عجتكم الوصفة... جربوها ماتندموش عليها
سلااااام