بولات بالشيفلور والقرنون ....وصفة عن جد لذيذة

اسمهان79 · 2015-02-25, 13:38

السلام عليكم ورحمة الله وبركاته
حبيباتي حبيت نفيدكم اليوم بوصفة للشيفلور راااااائعة وبنينة كليتها عند وحدة حبيبتي مع اختلاف بسيط هي بسطتها في بلا نتاع الفور
ومن بعد قطعتها مربعات وانا هنا عملتها بولات كبار

شوفي من الداخل

نبدا بسم الله
نحتاج راس شيفلور صغير مغلي في الماء ثم نغمسو في التتبيلة وهي
بيضة نزيدولها 1 م ك فرينة 2 م ك حليب ملح وفلفل اسود 1 م ك هريسة شوية كسبر مرحي نخلط مليح ثم نضع فيها الشيفلور

ومن بعد نقليه حتى يحمار مليح

لما يبرد نعبزو بالفرشيطة ثم نضيفلو 2 حبات قرنون منقيين

ومبشورين وزيديلو طرف صدر دجاج وشوية لحم مرحي و2 م ك شابليروشوية معدنوس او دبشة وصفار بيضة خلطي غير بالشوية

ثم اعملي
بولات كبار حطي في وسطهم طرف فرماج ثم لفي

ورمديهم في الفرينة

واقليهم في الزيت حتى يحمارو مليح
حطيهم في بلا نتاع الفور بجنب بعض
وتكوني وجدتي صوص الطماطم انا عملتها على طريقة اللهلوبة الهام الصوص اللي عملتها في البيتزا
وهاذا هو الرابط
https://www.djelfa.info/vb/showthread.php?t=1734788
فرغي عليها الصوص ثم غطيها بالفرماج رابي ان هنا استعملت فرماج قريار راه بزيدلو في البنة

ولوحيها في الفور حتى تحمار وتنشف
هنا كي طابت

قدميها بالصحة والهناء

في امان الله