السلام عليكم ورحمة الله وبركاته
كيفكم يالبنات لاباس؟ 
رح نعطيكم وصفة للقريوش هااايلة جربتو من قناة سميرة وهاذي أول مرة ينجحلي القريوش المظفور بصح مصورتوش لاني مكنتش دايرة في بالي ينجح
المقادير:
كيلو فرينة
حوالي ملعقة صغيييرة ملح
فاني
صفار بيضة
وملعقة شاي خميرة حلوى
و250 غ زبدة طرية مش ذائبة لازم
نخلط كلشي ونبسس مليح ثم نجمع بماء الزهر وانا معجنتوش غير جمعتو مليح حتى تحصلت على عجينة طرية ومتجانسة نغطيها
ولازم ترتاح ساعتين كاملين
ثم نحلو العجينة بمساعدة المايزينة ونعاود نطبقها ونحلها بالمايزية ونطبقها ونكرر العملية حوالي 3 مرات أو 4 وهذا السر باش يجي مورق من الداخل لكن منكثروش المايزينة غير بالشوي
طريقة التشكيل نفسها نتاع الاخت أم أماني تجي الحبة كبيرة وشابة
ومن بعد نقليه في زيت سخووون على نار هادئة ونسكب فوق الحبات الزيت بالملعقة وكي يطيب نخلوه يقطر ويبرد مليح ثم نسخن العسيلة وتكون ثقيلة ونعسلهم برفق باسكو يتفتت ونذرذر الجلجلان
صدقوني ناجح و لذيذ واللي تجربو تدعيلي بتيسير ولادتي متنساوش
سلاااام
( تقرير عن مشاركة سيئة )، و الموجودة أسفل كل مشاركة .
2015-02-20, 14:33
وصفة للقريوش هااايلة على ضمانتي
العرض الشجري