أفكار بسيطة تجني منها رزق وفير

[سيرين 5]

قرأت بعض الأفكار و لا أدري إذا كانت هذه الفكرة قد تطرق إليها غيري ؟
أنا كنت أعمل في البيت (المسمن) و أبيعه لأحد مالكي كافيتيريا، لا يكلف كثيرا لكنه يتطلب مجهود كبير و هو مربح كثيرا، كنت في آخر الشهر أنسى تعبي عندما أقبض مستحقاتي ..
يلزمنا شكارة سميد ، بيدون زيت ، ملح، مدلة أو طاوة أو طاجين تاع حديد ، و طابونة .
كنت نبيع الحبة 20 دج، ما عنديش فكرة عن أسعار المكونات الآن بصح 1 كلغ سميد يخرجلي بين 20 حبة حتى 25 حبة.
هي الفكرة بدأت لما كنت أعمل في شركة خاصة خدمت عدة سنوات و الراتب كان قليل تذمرت و قلت خدمت شحال من عام و ما بان عليا والو ؟؟؟ دورو ما خبيتو بجيه ؟
قلت لازم نخدم كاش بريكولا نجيب منها مصروفي و الراتب نخبيه جات فكرة (المسمن) و طبقتها نجحت و الحمد لله و أصبح راتبي هو مصروفي و مدخول المسمن هي أرباحي و الحمد والشكر لله.
ان شاء الله الفكرة تكون عجبتكم و تجربوها لأنها حقا مربحة. بصح أكيد حاجة ما جي بالساهلة لي يحب ينجح لازم يتعب و ما يستسلمش.