لنتعرف على singer 20u43 و ملحقاتها مع ...........سطايفيه

[stayfiya]

المشاركة الأصلية كتبت بواسطة وتر القلب

موضوع مفيد ورائع وقيم
يعطيك الصحة وباك الله فيك

شكراااااا

المشاركة الأصلية كتبت بواسطة بيلسان91

مساء الخير وش راكي
حبيت نسقسيك على مشينة سنجر رقم 14
مليحة ولا لا
واسكو تخيط وتطرز ودير سورفيلاج ولا لا
وش هم عيوبها

متأكده من الماركه. هذ الرقم تاع سورجيتوز ميش مشينه نورمال صوريهالي نشوفها ختي

المشاركة الأصلية كتبت بواسطة ام امجد و انفال

السلام عليكم ورحمة الله وبركاته
يا أختي مين نبدا نشكي ولا نحكي هييييييييييهيييييي
أولا كيما تعرفي أنا نموت على لخياطة من زماااااان تخيلي كنت نخيط لدميات صحباتي قاع هههههه غي أنا
بصح كنت نقرأ ومهنيتش للخياطة بصح دائما كنت من نشري حاجة نموديفيها وكان غي بلبرة ههههه نهوى لخياطة
تزوجت ومحبيتش نخدم
لمهم شريت ماشينة قديمة و كنت نحب نخيط و نطبق ورشاتك ودرتيلي لحر وشريت الإصطناعية وااااااااي واااااي
بصح لالا صطايفية كانت غايبة وماكنش لي داها فيا ولمشكل مانقدرش نروح نتعلم برى راني حاصلة في 3 ولاد شدوني وغبنوني بزاف منقدرش نتحرك خلاص
صدقيني كل شيء درته تعلمت كل les options نتاعها من نت بصح كنت نتمنى نتعلم طرز نخرج هوايتي و نعاون روحي غي من داري طولت عليك سمحيلي
وكانت عندي نفس لمشكل تاكل لي لخيط ورغم أني تبعت كل لخطوات ولي مجنني منخربش قاع فيها و تخيط مليح بعض الأوقات غي روحها مسكونة هههههه
تعبت معها و كرهت منها راهي مغطية في شهرين و سي سيدي راه غي ينقرش حتمتيني،،، خسرتيلي دراهمي ........
واش تنصحي وحدة كيفي
كملت وخرجت قاع واش في خاطري

بريسيوز هاذو من اللخرين. لي خرجو تشبع للسانجار بزااف و الموتور تاعها طلي عليه واشمن ماركه ؟؟
المشينه والله مسكينه كي تكون بخير راهي تخيط و كي تعيا و يوجعها راسها تبدى ديرلك في السبايب ههههه نتي داويها بالزيت و روديها ديما ما تخايهاش تحبس بزااف و يقدم فيها الزيت. عاد هو لي يولي كي لا غريس و يثقلها. الابره تاعك لازم تريقليها و لونفيلاج تاع الخيط. و مكان الكبه. تاعك لازم تكون في بلاصتها. لا طونسيون تختلف بين قماش و قماش جربي في قطعه من لقماش لي راح تبدايه قبل ما تخيطي. ريقليها عليه
نوع لقماش يلعب دور كبير ثاني
بالنسبه للطرز علابالك انا ماشينتي حاطتها في الحوش و الله يا البرد عدنل يقتل تحت الصفر ما قدرتش نخرج نطبق تاع الطرز بقالي غير هو و تشوفي كيفاش تطرزي مليح. ان شاء الله اصبريني برك