يوميات ومواقف مضحكة...بعيدا عن الهم والنكد...شاركونا

[*نآدرة~]

أول مرة نزور هاذ القسم،ومابغيتش نجي بيديا فارغين جبت موضوع،ما نعرف اذا كان جديد ولا لا بالصح بانلي خفيف وينحي على الخاطر،علابالي بلي الناس كامل راهم مهمومينو يحوسو يلقاو حاجة تفرحلهم قلوبهم

في البيت،في المدرسة،في مكان العمل ولا حتى في الشارع،أكيد صرالك مرة موقف محرج ولا مضحك خلاك ما تنساهش طول حيات وكل ما تتفكرو تضحك على روحك،ولا حتى قصة من قصص لي تعرفهم ضحكوك وبقيت تذكرهم كي يحكو قصص مضحكة

ايه اكتبوا هنا هاذو المواقف خلونا نضحكو شوية وننساو الهم باه ينسانا



نبدا أنا:

في رمضان لي فات وبالضبط في ليلة 27 ،حنا من عوايدنا نديرو الحنة في هذاك النهار،أيا واحدة عجوزة نعرفها دارو كناينها الحنة لولادهم وقالولها اذا ديري،هي كانت بزاف عيانة قاتلهم خلو لمن بعد وحطوها في الثلاجة،أيا رقدت هي وهما بقاو يصنعو في القاطو للعيد،كي كملو خلاو في واحد الصحن الشيكولا ذايبة،وتفرقو كل واحدة راحت لغرفتها،ناضت هاذ العجوزة مسكينة شافت صحن الشيكولا حسباتو حنة دارت منو وبدات تقول هاذ الحنة من النوعية الرديئة ما بغاتش تلصق في يدي،حتى شافها واحد من اولادها قالها ياما،هذي شيكولا مش حنة،ضحكتني بزاف القصة

ان شاء الله تعجبكم ويعجبكم الموضوع ونلقاكم هنا


باقات ورد لكم