السﻻم عليكم ورحمة الله وبركاته
أخواتي الله يرضى عليكم راني طالبة مساعدتكم في وصفة تاع قاطو كانت ديرو وحدة جارتنا بكري و المشكل تزوجت للخارج ربي يهنيها و الوصفة هادي سخفت عليها اختي تتوحم و درت بحث عليها في قوقل و والو خاطر عطاتهالي جارتنا و راحتلي كنت نديرها منذ حوالي 10 سنين و نسيت على التفاصيل المهم علبالي طولت الهدرة هههههه
وسمها جلد النمر بصح ماشي هادي لي دارجة العامين الماضيين تتخدم بقاطو كاسكروت نشفى نفوروه على الكسكاس و كي يطرى نقطعوه مربعات صغار و نخلطوه مع باقي المقادير نشفى كاين الكاكاو باش يمد اللون البني و من بعد نلموه مليح و نشكلو حربوش يكون خشين و شوية عالي وحد 6سم نخليوه ينشف و من بعد نقطعوه طوليا و عرض 1سم و يجي بني و المربعات هادوك بيوض نتمنى نكون شرحت مليح و يا رب نلقى لي تفيدني راهي اختي هبلتني الله يرضى عليكم و شكراً