لنتعرف على انواع الدواسات و مهماتها ....سطايفيه

[stayfiya]

اليوم بغيت ندير موضوع منفصل على المشينه و لي هو
الدواسات les pieds de biches
لي عندها مشينه اكيد عندها مجموعه من اللواحق اكيد ماجاتش عبثاً كل بياسه عندها معناها
وكاين لي يجي مع المشينه كي تشريها و كاين لي تشريها وحدك اسعارهم تبدى من 20نلف وروح
هاي المجموعة لي عندي و الصراحه نقصت عليا جهد و تعب كبير

1 الرجلين هاذو يخيطو خياطه عاديه و زيقزاق و انا لي على اليسار هي لي نخم بيها
ما نغيرهاش الا اذا احتجت
2 هاذي تاع لخياطه الدروات. هي و البياسه السفليه لي تتوافه معاها مع السنين ايضاً
و الرجل البيضا نستعملها نستعملها كي نخيط لكوير او السكاي او النيلو
3 هاذي الرجل تاع القيطان مع بياستها السفليه و نستعملها ايضا لتركيب لقفايل
4 هاذو زوج شريتهم ب 35نلف للواحد نخدم بيهم لوغلي الرقيق يعني كفه صغيره
كيما لي في الفولار ولي ناب. على اليمين خياطه دروات خط فريد و على اليسار
نستعملها في الزيقزاق وهذي تخدم لونفورم يجي مشرشف روعه
5 و 6 نستعملوهم في تركاب الفيرميتور السحاب او السنسله كل واحد كيفاش يقول
7 شريتو ب 25نلف. يخدم لي فخونص النقشات و انتي تتحكمي من الفيس من لور في التكماش

وهذا لمغط نستعملو كي نجي نطرز

و هذا التورنوفيس يتحكم في المناطق الضيقه و تفكي اي. بولون



هاذو هوما لي عندي انا.
راني على قدي برك و زيد هاويه فقط يعني لوكان جيت خياطه
مانخلي حتى نوع. نشريهم كامل
هذا شرح عام الآن شرح فعلي على ارض الواقع بالتدريب على كل نوع
شوي تشجيع نكمللكم الدرس و صدقوني هاذ الدرس مفيد جداً لكل واحد
هيا شوي نشاط و لي عندها انواع اخرين و تعرف ياريت تصورهملنا وتحط
و تشرحلنا باش كامل نستفادو مع بعض
انتظروني راني جايه