اليوم رحت لمركز الخدمة الوطنية من اجل استلام الاستدعاء حتى نروح نأدي " الخدمة الوطنية " انا قلت يسهلولي الامور بما اني متطوع , و لكن بعد طول انتظار ، رغم ان المسألة قضية دقائق فقط لاني في تمام الساعة 8:30 كنت داخل المركز ، و لكن لم يتم المناداة على اسمي الى غاية 12:30 ليقول لي الجندي انه علي تقديم وثيقة تثبت اني توقفت عن الدراسة ، بما اني كنت مسجل في الماستر سنة 2013 و عملت بيه أجيل لسنة واحدة و لكن توقفت عن الدراسة و لم اواصل و تحصلت حينها على شهادة الكفاءة المهنية للمحاماة ، .. المهم قللتلو ماتعطونيش استدعاء قالي لا . قالي ارجع في الغد ، قلتلو ، الا زدتو شفتوني.. جاي متطوع و زيد تعملولي عراقيل و بيروقراطية ياخي انا جاي متطوع معناه قررت انهاء الدراسة و دفعت دبلوم ليسانس.. و الحق اثناء الانتظار و انا قاعد نخمم درت في رايي و قلت لوكان غير ما تطوعتش ، بعد ما شفت واحد الجندي يعيط و يفرفط ، و ياكل روحو وحدو ، و تفكرت عدة امور من بينها اني دفعت ملفات شرطة ( اليوم تخرجت الدفعة لي كنت دافع معاها ) و جمارك و و و ..للاسف المعرفة ماكاش و حتى الجيش و يرفضو التعاقد ... راهي ليهم.... نكمل الخدمة في التجارة خير مالجيش تاعكم راه ليكم ..
( تقرير عن مشاركة سيئة )، و الموجودة أسفل كل مشاركة .
2015-01-11, 20:55
قررت عدم الذهاب للخدمة دزو معاهم و راهي ليكم .
العرض الشجري