طاجين شوفلور على شكل قلوب

[mon espoir]

اليوم طيبت طاجين شوفلور على شكل قولوب و جات بنينة..القلب من متكون من شوفلور و دجاج..ان شاء الله يعجبكم به .
الطبق سهل و بنين

المقادير. شوفلور_ صدر دجاج _ ملح_ فلفل اسود_بيضة_معدنوس_ مغرفة فرينة
ارحي الشوفلور و ضعيه على جنب .. ارحي صدر دجاج اضيفي له ملح و فلفل اسود ثم اخلطيه مع الشوفلور, زيدي المعدنوس مقطع رقيق, بيضة و مغرفة فرينة و خلطي المكونات شكليها كرات كبيرة نوعا ما و ضعيها في الثلاجة

من جهة اخرى وجدي المرق كالتالي: في مقلاة تستعمل في الفرن ضعي الزيت اضيفي البصل و حركي حتى يذبل اضيفي قطعة من الدجاح او العضم المنزوع من صدر الدجاج فوحي مليح . اضيفي ورقة رند و اتركي الكل يتقلى على نار هادئة, ضعي مغرفة طماطم مصبرة في صحن به كاس من الماء حركي جيدا ثم اضيفيه لباقي المكونات و اتركي الكل يتقلى حوالي 10 د ثم اضيفي حوالي 2 كؤوس من الماء و دعيه ينضج

حضري البطاطا مقسمة دوائر اقليها في الزيت ثم ضعيها مباشرة في المرق
من جهة اخرى اخرجي كريات الشوفلو و الدجاج و حاولي تشكليهم قلوب و اضغطي قليلا من الوسط (مكان الزيتون), اقليها في الزيت و مباشرة الى المرق ضعي الكل في الفرن على نار هادئة.
.
بعد النضج قدمي الاكلة مزينة بالمعدنوس مع وضع حبات الزيتون فوق القلوب و بالصحة و الراحة