لي تحب السلمون تتفضل عندي

[minina2601]

بسم الله والصلاة والسلام على رسول الله
اللهم أتنا في الدنيا حسنة وفي الآخرة حسنة وقنا عذاب النار
السلام عليكم ورحمة الله وبركاته

حبيت نشارككم طبق السلمون فالفرن لانه بنين بزاااااااف والوصفة هادي تقدرو تعتمدوها مع أي نوع سمك
هاوليك السلمون مقطع شرائح


شوفو سمك الشريحة


بقية المكونات بطاطا مقطعة شرائح شبه رفيعة بصل وثوم

شوفو الثوم هو اساس البنة قد مل تكثرو مليح استعملت حوالي راس ونص ثوم

بالاضافة الى ملح فلفل اسود وطبعا نجم الاكل الصحي زيت الزيتون
بالنسبة للالمنيوم قطعوا على حساب كمية السلمون التي ستضعونها بحيث يكفي كقاعدة وغلاف له

نضع كطبقة اولى شرائح البطاطا وشوية شرائح البصل


ثم شرائح الثوم ملح وفلفل اسود

شرائح السلمون نرش بملح وفلفل اسود ونزيد شرائح الثوم لي تعطيعها بنة لا تقاوم

وفي الاخير نرش كمية من زيت الزيتون

نغلق باحكام الالمنيوم ونثني مليح الاطراف حاولوا قدر الامكان باش ميتثقبش الالمنيوم والا يتسرب اي سائل اثناء الطهي

طيبوه لمدة 40دقيقة
شوفو النتيجة بعد مرور هذه المدة بالونة

افتحوها بلطف ديرولها تويقة وعاودو رجعوه للفرن باش يتحمر

هاوليك طبقي صار جاهز

ننتقل الان حبيباتي لراس السلمون

كطبق مرافق للطبق الرئيسي قلت نطيب الارز البسمتي مع مرق راس السلمون
غليته لمدة عشر دقائق وصفيته هاوليك المرق لي تحصلت عليه

هاد المرق هو لي نطيب فيه الارز باش يعطيلو بنة اضفت له ملعقة صغيرة من الكركم للبنة وللون

طبعا راس السلمون فيه بعض القطع من لحم السلمون نحيوهم بلعقل برك وزيدولهم جزر فلفل طرشي ثوم وفلفل حار مقطعين مكعبات صغار

في مقلاة ديرو زيت الزيتون تسخن وقليوهم مليح مع ملح فلفل اسود على نار هادئة من الاحسن تغطيهم باش ينداو

الان نروحو للروز انا كيلت طاس روز بسمتي حوالي 250غ وطيبته بالطريقة الخليجية ولي هي حطي كمية من الماء تسخن حتى الغليان وحطي كمية الارز فيها تغلي لمدة 5دقائق ثم صفيوه وشللوه بالماء البارد باش تنحولو كمية النشاء والي هو عادة يخلي الروز يلصق

راكو معايا؟؟؟

دوك ستفو الروز فالمقلة وسوو الاطراف باش يطيب كامل كيفكيف

ومرقو وكي تبدى تغلي نقصو النار وخليوه 10 الى 15 د حتى يشرب كامل المرقة بلا ما تحركوه

شوفو بعدما شرب المرقة انا هنا ما حركتوش طفيت عليه النار وخليتو 10د اخرى مغطي

حنا خلطتو شوية
https://im58.gulfup.com/7O68Js.jpg
تفضلو طبق الارز الرائع والخفيف زينته بالمعدنوس طبعا تقدروا ديروه بيض لبلا خضرة او باي مرق تحبوه بالنسبة ليا هادي افضل طريقة لطهو الارز لانها صحية وبنينة ان شاء الله تجربوه وبصحتكم مسبقا


حبيباتي متنساوش التقييم وشرفوني بردودكم واسئلتكم والاهم دعوة الخير احبكن في الله
مبقالي نقوللكم غير استودعكم الله الذي لا تضيع ودائعه والسلام عليكم ورحمة الله وبركاته