عصير البرتقال بالجزر بنوعين

[غزالة الصّحراء]

المشاركة الأصلية كتبت بواسطة ام حمزة22

السلام عليكم ورحمة الله تعالى وبركاته
ان شاء الله تكونو كامل بخير
اليوم اول مرة نشارك بموضوع في قسم العصائر وان شاء الله هاد الموضوع ينال اعجابكم
عندي وصفتين من العصائر
الوصفة الاولى سمعتها فالراديو من يوم جربتها وانا معتامدتها ولادي يموتو عليها وهي عصير البرتقال بالجزر مرابي
نعصر البرتقال و نرابي الجزر ونحطهم فالخلاط الكهربائي نضيفلهم شوية ماء وسكر حسب الرغبة راح نتحصل على عصير البرتقال بالحبيبات

اما الوصفة ال2 وهي ان لازم تكون عندك هاد الآلة حبيت نقدمهالكم وما تندموش على شرائها لانها رائعة و تستفادي من عصير بور وطبيعي 100ب100
خاصتا لعصير الجزر لي عندو ولادو ما يكلوش الجزر نقدر نستخرج عصير الجزر من اروع ما يكون
مارانيش ندير اشهار لهاد الآلة لاكن من كثرت استفادتي بيها حبيت نوريهالكم تشوفوها

أختي.أم حمزة. راكي سخفتيني بهذا المشروب. بصّح حبيت أنسقسيك.. بالنسبة للوصفة الأولى : بما أن
ّ الجزرما يكونش طايب، راكي قلتي . نرابي . هل المشروب ألي نتحصل عليه . لما نشربوه ، ماشرايح ايعرقلُ الجزر بما أنّه ماشي طايب؟
من فضلك جاوبيني أنا راني حابة أنجربها. في الدار كامل ايحبوا الجزر ، والبرتقال راه متوفّر. ربّي ايوفقك.