مشاركتي في مسابقة احسن تطبيق

أم محمد تاج · 2014-12-11, 08:30

البسملة1

اللهم صلي وسلم على الحبيب المصطفى وسلمه تسليما

حبيباتي اول مرة منذ تسجيلي في المنتدى الغالي نشارك في مسابقة بحكم اني خواااافة موووووووت بصح هاذ المرة كيعاد بسطت علينا الحبيبة ام كوثر وقالت تطبيق تشجعت وخضت المغامرة هههههههههه وتطبيق للكريب التركي للاخت ام ندى

هنا من بعيد مع بعضاهم للتشويق وضرك نخوض في التفاصيل

الصراحة هايل هايل هايل وبدون اطالة هاو ليكم تطبيقي واظافاتي ومخماخاتي

حبيباتي العجينة هي مازدتش ومانقصتش فيها بصح الحشو درت حشوتين من مخاميخي وخرجووو روووعة رووووعة نجيو لاول حشو
الحشوة الاولى: درت شكشوكة كيما قالت وبحكم ماتوفر عندي اللحم المرحي وثانيا اقتصاديا ههههههه درتو بالطون زيت روووووعة وكي نحط الحشو ندير عليه شوي بيض خرجت تحححفة تبان بوراك مممممممممممممممم

هنا وجدت كلش

وهنا بالحشوة الاولى

والحشوة الثانية حبيباتي هي:
قطعت صدر الدجاج مربعات وقليتو مع البصل والثوم والمعدنوووس وفلفل اسود ممممممممم ودرت معاه كريمة الحبن والله روووعة وهاي ليكم طريقتي فيها
كريمة الجبن:
زوج كيسات تاي حليب نكسر عليهم بيضة ورشة ملح ورشة فلفل اسود وزوج مغرف كبار فرينة ونحطهم على النار حتان يخثارو مليح ونحيها وهي سخونة نزيدلها خمس فرماجات ونخبط بالباتور صدقوني راح تتحصلو على اروع كريمة جبن هاي ليكم

وهاو ليكم المونتاج تاع الحبة

وهنا الطياب

وهاي ليكم النتيجة النهائية

نا بالحشوة الاولى

وهنا بالحشوة الثانية

وهنا باقي الصور اليكم الخط والتعليقات والتصويتات راني نأكد على التصويتات هههههههه

شوفو ياعيني ياعيني على البساطة واااااااااااااو

هيا ورووووني الهمة